Áskerı baılanysshylar táýlik boıy Qarýly Kúshterdi zamanaýı, tıimdi jáne senimdi baılanyspen qamtamasyz etýmen aınalysady. Olar qarý-jaraq pen áskerlerdi basqarý júıesiniń jumysyn sapaly deńgeıde júrgizip, baılanys toraptary men tehnıkalyq quraldardyń jaramdylyǵyn baqylaıdy.
Qazirgi kezde Qarýly Kúshterde zamanaýı baılanys quraldarymen jabdyqtaý, olardy standartızasııalaý jáne aqparatty joldaýdyń sandyq ádisine tolyqtaı kóshý boıynsha birshama jumys atqarylýda. Belgilerdi qabyldaý-joldaý, odan keıin aqparatty kodtaý men shıfrsyzdandyrý úshin baılanysshylar oqý-jattyǵýlarda, halyqaralyq jarystar men kúndelikti qyzmette qoldanylatyn quraldardyń kóptegen túrine ıe.
Qazaqstandyq baılanysshylar aýqymdy halyqaralyq jarystar men oqý-jattyǵýlarǵa udaıy túrde qatysady. 2018 jáne 2019 jyldary Armııa halyqaralyq oıyndary aıasynda ótken "Senimdi qabyldaý" konkýrsynda QR Qarýly Kúshteri baılanys áskerleriniń komandasy birinshi oryndarǵa ıe boldy.
Qazaqstannyń Qarýly Kúshteri úshin baılanys mamandaryn Radıoelektronıka jáne baılanys áskerı-ınjenerlik ınstıtýty daıarlaıdy. Onda qazirgi zamanǵy zerthanalar men tehnıkalyq quraldarmen jabdyqtalǵan baılanys jáne áskerı tehnıka baılanysyn uıymdastyrý kafedrasy óz jumysyn atqarýda.
Qazaqstandyq áskerdiń qurylý shebinde general-maıor Mubarek Orynbekuly Orynbekov, polkovnık Erjan Toktaruly Qasymhanov, polkovnık Tımýr Toqanuly Kemerbaev, polkovnık Serik Qadylbekuly Qurmanov, polkovnık Igor Vıacheslavovıch Halımov, polkovnık Valerıı Aleksandrovıch Gerasımov, polkovnık Rafık Latıfuly Hasenov syndy baılanys qyzmetiniń ardagerleri tur. Olardyń árqaısysy Qazaqstannyń qorǵanys qabiletin nyǵaıtýǵa zor úlesterin qosty.
