Búkilálemdik boks serııasynyń ótken maýsymdaǵy chempıony Astana Arlans komandasy jańa chempıonattyń birinshi kezdesýin 15 qarasha kúni Almatyda Baku Fires komandasymen ótkizip, 4:1 esebimen jeńiske jetti.
Búkilálemdik boks serııasynyń ótken maýsymdaǵy chempıony Astana Arlans komandasy jańa chempıonattyń birinshi kezdesýin 15 qarasha kúni Almatyda Baku Fires komandasymen ótkizip, 4:1 esebimen jeńiske jetti.
Kezdesý astanalyqtardyń jeńilisinen bastaldy. Onda Ánýar Muzarapov Ázerbaıjan quramasyndaǵy reseılik legıoner Hamza Nametovke jol berip aldy. Sodan keıin Baǵdat Álimbekov qarsylasy – taǵy bir legıoner Magomed Gýrbanovty utyp, esepti teńestirdi. Sosyn Ashat Ýálıhanov bakýlik Osman Álıevti tize búktirip, komandany alǵa shyǵardy.Sodan keıin qazaqstandyqtar sapyndaǵy ýkraınalyq legıoner Sergeı Derevıanchenko qonaqtar quramyndaǵy belarýs Nıkolaı Veselovti nokaýtqa túsirdi. Al matchtaǵy sońǵy núkteni bizdiń Vasılıı Levıt qoıdy. Ol Abdýlkadyr Abdýllaevty talassyz jeńdi.
Astana Arlans kelesi kezdesýin 23 qarashada Máskeýde Russian Boxing ujymyna qarsy ótkizedi. Burnaǵy kúni bul matchqa shyǵatyn boksshylardyń da esimderi belgili boldy. «Arlandardyń» bas jattyqtyrýshysy Sergeı Korchınskııdiń aıtýynsha, Reseı astanasynda komanda namysyn qorǵaıtyn bes boksshynyń arasynda Oljas Sáttibaev (52 kg), Samat Báshenov (60 kg), Meıirim Nursultanov (69 kg), Danabek Sýjanov (81 kg) jáne horvat legıoneri Fılıp Hrgovıch (+91 kg) bar.
Reseılikter bizdiń bes boksshyǵa álemniń 2011 jáne 2013 jyldarǵy chempıony Mısha Aloıan (52 kg), Adlan Abdýrashıdov (60 kg), Aleksandr Ivanov (69 kg), Dmıtrıı Bıvol (81 kg) jáne Sergeı Kýzmın (+91 kg) quramyndaǵy komandasyn qarsy qoıǵaly otyr.
Astana komandasy osy joly úsh birdeı debıýtantty – Oljas Sáttibaevty, Meıirim Nursultanovty jáne Danabek Sýjanovty rıngke shyǵarady.
Damır QOJAMQUL.
