Osydan bir jyl buryn Birikken Ulttar Uıymy tarapynan baqylaýshy-memleket statýsyn alǵan Palestına, endi, mine, atalǵan uıymnyń Bas Assambleıasy quramynda daýys berý quqyǵyna ıe boldy. Bul týraly ITAR-TASS habarlady.
Halyqaralyq trıbýnalda burynǵy Iýgoslavııanyń ústinen qaralyp jatqan bir iske baılanysty daýys berýge Palestına da qatystyryldy. Bul – Palestına úshin óte mańyzdy tarıhı oqıǵa boldy. О́ıtkeni, Palestına óziniń tarıhynda alǵash ret Birikken Ulttar Uıymy Bas Assambleıasy sapynda daýys berýge múmkindik aldy.
Bas Assambleıanyń úlken zalynda otyrǵan 193 eldiń ókilderi palestınalyqtardyń bul jetistigine qoldaý bildirip, uzaq qol shapalaqtady.
Palestınanyń Birikken Ulttar Uıymyndaǵy turaqty baqylaýshy-ókili Rııad Mansur Bas Assambleıa tórinde turyp: «Bul bizdiń bostandyqqa, táýelsizdikke, sondaı-aq, Birikken Ulttar Uıymyna tolyqqandy múshe bolýǵa umtylǵan mańyzdy qadamymyz», – dedi.
Alaıda, Rııad Mansurdyń sózi, Palestınanyń daýys berý quqyna ıe bolýy ızraıldikterdi qýanta qoımady. О́ıtkeni, Izraıldiń Palestınany memleket retinde moıyndamaı kele jatqany belgili.
Bas Assambleıa jıynynan soń jýrnalıster qorshaýynda qalǵan Rııad Mansur daýys berý rásimi sátti ótkenin, palestına halqyna ystyq yqylas bildirilgenin aıtty.
Palestına baqylaýshy-memleket statýsyn 2012 jyldyń 29 qarashasynda alǵan bolatyn. Degenmen, bul statýs Palestınaǵa kóp múmkindikter bere qoımaǵan... Al Halyqaralyq trıbýnalda qaralǵan máselelerge baılanysty daýys berý quqyna ıe bolý úshin aldymen Birikken Ulttar Uıymyna, onyń Qaýipsizdik keńesine tolyqqandy múshe bolý kerek.
Joldybaı Bazar.
