Bastapqy medısınalyq-sanıtarlyq kómekke arnalady

Forým postkeńestik keńis­tik­tegi elderdiń densaýlyq saqtaý j­úı­esiniń, alǵashqy medısınalyq kó­mek­­tiń pandemııa kezindegi ju­my­s­yn­yń qorytyndysyna arnal­ǵan aýqymdy is-sharanyń biri bolmaq.

Konferensııaǵa elimizdiń Mem­lekettik hatshysy Q.Kósher­baev, Densaýlyq saqtaý mı­nıstri A.Soı, DDU-nyń MSAK jónin­degi Eýropalyq ortaly­ǵynyń basshysy Melıtta Iаkab, DDU-nyń Qazaqstandaǵy ofısi­niń, Shyǵys Eýropa men Orta­lyq Azııa elderiniń úzdik halyq­aralyq sarapshylary qatysady. Sondaı-aq densaýlyq saqtaý  salasy basshylary men Qazaq­stannyń barlyq óńiri­nen ulttyq sarapshylar, ob­lys­­tardyń, respýb­lı­kalyq ma­ńy­zy bar qalalar­dyń densaý­lyq saqtaý basqarma­lary­nyń, Áleý­mettik medısınalyq saq­tan­dyrý qorynyń jáne úkimettik emes uıymdardyń ókilderi de qatysady.

Konferensııa alańdarynda otandyq jáne sheteldik sarapshylar COVID-19 pandemııasymen kúres boıynsha pikir almasady.

Lıtva Respýblıkasynyń den­saý­lyq saqtaý mınıstri, Grý­zııa­nyń eńbek, densaýlyq saq­­taý jáne áleýmettik qor­ǵaý mınıstriniń birinshi oryn­­basary, «Rospotrebnadzor» dırektorynyń orynbasary, Ýk­raı­nanyń ulttyq densaýlyq saqtaý qyzmetiniń dırektory, Tájikstan Respýblıkasynyń den­saýlyq saqtaý jáne halyqty áleýmettik qorǵaý mınıstrliginiń MSAK reformalary jáne halyq­aralyq qatynastar basqar­masy­nyń bastyǵy, О́zbekstan Res­pýb­­lıkasynyń MSAK jónin­degi ulttyq úılestirýshisi, Ázer­baı­jan Respýblıkasy mınıstrler kabıneti janyndaǵy mindetti medısınalyq saqtandyrý mem­lekettik agenttiginiń halyq­ara­lyq yntymaqtastyq jónin­degi bóliminiń bastyǵy, Mol­dova memlekettik medısına ýnıver­sıtetiniń professory jáne forýmnyń basqa da qatysýshy­lary óz tájirıbesimen bólisedi.

Halyqaralyq konferensııa baǵ­darlamasy barysynda qaty­sý­­shylar qazaqstandyq medı­sı­­na­nyń maıtalmany, álemge áı­gili ǵalym, akademık Tóre­gel­di Sharmanovty 90 jasqa tolýymen  qut­tyq­taı otyryp, elimiz­degi je­tek­shi joǵary oqý oryndary­nyń biri – Qaraǵandy medısına ýnıver­sıtetiniń 70 jyldyǵyn atap ótpek.

Forýmnyń basty taqyryby – Qazaqstannyń MSAK boıynsha tájirıbesi: COVID-19 pandemııasy kezindegi tájirıbe men sheshimder jáne Memleket basshysy Q.Toqaevtyń 2020 jylǵy 1 qyrkúıektegi Qazaqstan halqyna Joldaýy sheńberindegi MSAK damytý strategııasy.

Koronavırýs pandemııasy búkil álemge alǵashqy medısı­nalyq-sanıtarlyq kómektiń mańyzdy ekenin taǵy da dáleldedi. Adamzat azamattardyń ómiri men densaýlyǵyn saqtaýdaǵy MSAK-tyń rólin aıqyndap bergen Almaty deklarasııasynyń negizgi qaǵıdattaryn muqııat oryn­daǵan jaǵdaıda ǵana koronavırýs sııaqty ınfeksııalyq qaýipterdi jeńýge bolatynyna taǵy da kóz jetkizdi.

Konferensııa jumysy aıaqtal­ǵannan keıin qorytyndy qu­jat daıyndalady. Maqsaty – Dú­nıe­júzilik densaýlyq saqtaý uıy­mynyń qoldaýymen COVID-19 pandemııasyna qarsy kúreste mem­leketterdiń densaýlyq saq­taý júıesin biriktirý, jańa ınfek­­sııalyq agressııa kezinde prak­tıkadan paıdalaný úshin halyqaralyq sarapshylardyń usynystaryn ázirleý.