Tigin sehy bir rettik medısınalyq betperdeler, halattar, kombınezondar jáne basqa da arnaıy kıimder shyǵarady. Atalǵan seriktestik fılıalynyń basshysy Jarylqasyn Bolatulynyń aıtýynsha, sehtyń alyp jatqan aýmaǵy 350 sharshy metrdi quraıdy. Búginde óndiris orny 50 joǵary jyldamdyqty, 10 arnaıy óndiristik tigin mashınalarymen qamtamasyz etilgen. Jumys ornynda 70 adam eńbek etedi. Qyzmetkerler eki aýysymda jumys isteıdi. Alǵashqy elýi kúndiz, qalǵan jıyrma tiginshi keshke qyzmetine kirsedi.
Qadamyn endi basqan kásiporynnyń ǵumyry uzaq bolary sózsiz. Alǵashqy kezeńnen bastap kúnine 18-20 myń dana, aıyna 400 myń dana betperde tigip otyr. Sonymen qatar aıyna 35 myńǵa jýyq halat shyǵarady. Bul jospardy iske asyrý úshin 19 mln teńge qarjy bólingen. Istiń alǵa basýyna mindetti túrde júıe kerek. Osy turǵysynda óndiris orny eshkimnen qalyspaıdy. Barlyq áreketi men baǵdary aldyn ala daıyndalǵan. Iаǵnı qolǵa alǵan isterinde rettilik bar.
Seh basshylyǵynyń josparyna sáıkes jumys kestesi tolyq ázirlengen.
Kásiporyn tamyz aıynan bastap jeke kompanııalarǵa, ıaǵnı munaı, energetıka salasyndaǵy óndiris oryndary úshin arnaıy kıim ázirleı bastaǵan.
Jaýapty tulǵalar kásiporyn jumysynyń áleýmettik sıpatyna úlken mán berýde. Sondyqtan seh qyzmetkerleri úshin Tekeli qalasy boıynsha tasymaldaý jáne tegin túski as qarastyrylǵan.
