Qazaqstandyqtar aldaǵy ulttyq jáne memlekettik merekelerge oraı jeltoqsan aıynda qatarynan úsh kún demalatyn bolady. Bul týralyTengrinews.kz tilshisi habarlady.
«QR merekeleri jaıyndaǵy» zańǵa oraı 1 jeltoqsan - Tuńǵysh Prezıdent kúni memlekettik merekesi, al 16-17 jeltoqsan Táýelsizdik kúni ulttyq meıramy bolyp tabylady. Sondyqtan bul elimizde merekelik kúnder bolyp esepteledi.
Osyǵan oraı bıylǵy jeltoqsan, ıaǵnı Tuńǵysh Prezıdent kúni jeksenbi kúnge sáıkes kelip otyrǵandyqtan, 2 jeltoqsan seısenbi kúni de merekelik kún retinde qabyldandy. Qazaqstandyqtar bul merekede senbi, jeksenbi kúnimen qatar 1 jeltoqsan, dúısenbi kúni de demalatyn bolady. Al Táýelsizdik kúni merekesi zańǵa sáıkes eki kún toılanatyny belgili. Bul jolǵy 16-17 jeltoqsan kúnderi dúısenbi jáne seısenbimen tuspa-tus keldi. Sondyqtan Qazaqstan halqy senbi-jeksenbi kúnderin eseptemegende, bul merekede qosymsha eki kún demalatyn bolady.
Esterińizge sala keteıik, Qazaqstan halqy Tuńǵysh Prezıdent kúnin ótken jyly alǵash ret memlekettik mereke retin atap ótti. Bıyl bul mereke ekinshi márte memlekettik deńgeıde atalyp ótilse, al elimizdiń táýelsizdik alǵanyna bıyl 22 jyl tolyp otyr. Sondyqtan eki merekeniń de memleketimiz úshin mańyzy orasan.
Erbaqyt Jalǵasbaev.
