Keńtúbek pen aýdan ortalyǵy – Kóktóbe aýyldarynyń arasy bar-joǵy 2 shaqyrymdyq qana qara jol. Bul jolǵa «Jol kartasy-2020» baǵdarlamasy arqyly 10 mıllıon teńge qarajat bólingen-di. Tenderdi oınap júrip utyp alǵan merdiger kompanııa 2 shaqyrymdyq joldyń kerisinshe byt-shytyn shyǵarǵandaı kúıge túsirdi. Qarajat ta, aýyl armandaǵan jaqsy jol da kózden bulbul ushty. Jergilikti ákimder óz aýyldarynyń jolyna ózderi bas-kóz bola almaı da qaldy.
Keńtúbek pen aýdan ortalyǵy – Kóktóbe aýyldarynyń arasy bar-joǵy 2 shaqyrymdyq qana qara jol. Bul jolǵa «Jol kartasy-2020» baǵdarlamasy arqyly 10 mıllıon teńge qarajat bólingen-di. Tenderdi oınap júrip utyp alǵan merdiger kompanııa 2 shaqyrymdyq joldyń kerisinshe byt-shytyn shyǵarǵandaı kúıge túsirdi. Qarajat ta, aýyl armandaǵan jaqsy jol da kózden bulbul ushty. Jergilikti ákimder óz aýyldarynyń jolyna ózderi bas-kóz bola almaı da qaldy.
Aýyl turǵyndarynyń aıtýynsha, byltyr qysta bul jolmen júrý tipti múmkin bolmaı qalypty. Kóktemde qaptaǵan oıdym-oıdym shuńqyr. Jylda osy. Ákimderden ne qaıyr, ne úmit. Olar jáı ǵana keledi. Jáı ǵana ketedi. Basqasyn aıtpaı-aq qoıaıyqshy, aýyldyń 2 shaqyrymdyq jolyn jóndep, taza sý ishkize almaǵan soń, olarǵa ne aıtaryń bar?! Jáı ǵana kelip-ketpese joldy jóndeýge shamalary keler edi. Osy jolmen mımyrttap ázer-ázer aýdan ortalyǵyna jumysqa baratyn qyz-kelinshek, kólikteri synyp turatyn jigitter, bala-shaǵa, kempir-shal, toı-tomalaq, ólim-jitim bar degendeı.
Jer qozǵalsa qozǵala qoımaıtyn ákim-qaralar endi jol jóndeıdi degenge sený de qıyn. Shydam taýsyldy. Kele jatqan qys bolsa mynaý. Eki qolǵa bir kúrek. Bas kóterer azamattarǵa bul syn. Aýyldyń jigitteri endi ózderi áreket etpekke bekindi. «Aýyl-ishi, el-jurttan uıat, bas qosyp, jınalaıyq, asarǵa» desti. Sóıtip, Asyl Jantenov bastaǵan jigitter óz qarajattaryna jolǵa kerektiniń bárin satyp alyp, shuńqyrlardy bir-aq kúnde bitep shyqty. Al, kerek bolsa!
Farıda BYQAI,
«Egemen Qazaqstan».
Pavlodar oblysy,
Maı aýdany.
