Ortalyqty aldaǵy ýaqytta magnıtti terapııa jáne basqa da medısınalyq apparattarmen tolyqtyrý josparlanǵan. Emhana bazasynda sonymen qatar vırýsologııalyq zerthana úzdiksiz jumys isteıdi. Munda óńirdiń Otyrar, Báıdibek, Sozaq aýdandary men Kentaý, Túrkistan qalalaryndaǵy emdeý mekemelerinen alynǵan PTR synamalaryna taldaý jasalady. Nátıjeleri ortalyqtandyrylǵan júıe arqyly azamattardyń jeke málimetine engiziledi.
«Koronavırýs ınfeksııasynyń yqtımal ekinshi tolqyny bastalǵan jaǵdaıda emhanalardyń qyzmeti qalypty jaǵdaıda jalǵasa beredi. Sanıtarlyq talaptardy qatań saqtaı otyryp, dárigerler turǵyndardy aldyn ala jazylý boıynsha qabyldaıdy. Al COVID-19 belgileri bar naýqastar bólek esik arqyly súzgi bólimine kirgizilip, jeke kabınette tekseriledi. Vırýs anyqtalǵan jaǵdaıda ambýlatorııalyq baqylaý jáne emdeý júrgiziledi. Oblystaǵy barlyq medısınalyq uıymda indetpen kúres jumystary barynsha kúsheıtilgen», deıdi Túrkistan qalalyq emhanasynyń bas dárigeri Raıymbek Tasyrbaev.
Koronavırýs ınfeksııasynyń birinshi tolqynynda aýrýhanada 300-den asa qyzmetker jumyldyrylǵan bolatyn. Emdeý mekemesinde 320 tósektik oryn provızorlyq stasıonar qarastyrylǵan. Qosymsha 50 oryndyq ınfeksııalyq bólim ashý josparlanǵan. Aýrýhana 81 ottegi taratý kózi, 16 ókpeni jasandy tynystandyrý apparaty, 70 ottegi konsentratory men 70 pýlsoksımetrmen tolyqqan. Stasıonarlyq ottegi stansasy ornatylyp, 2 aılyq dári-dármek qory jáne dezınfeksııalyq zattarmen, jeke qorǵanysh kıimderimen qamtamasyz etilgen.
Jalpy, búginde oblys ortalyǵyndaǵy medısınalyq mekemeler zamanaýı qondyrǵylarmen jabdyqtalyp, halyqqa qyzmet kórsetý sapasy jaqsara túsken. Mysaly, Túrkistan qalalyq balalar aýrýhanasynda jyl basynan beri 800-ge jýyq ota sátti jasaldy. Buǵan deıin kúrdeli ota jasatý úshin balalarǵa basqa iri qalalardaǵy medısınalyq uıymdarǵa joldama berilip kelgen. Emdeý mekemesindegi materıaldyq-tehnıkalyq bazanyń jaqsartylýy men qyzmetkerleriniń arnaıy kásibı biliktilik arttyrýynan otanyń aýyr túrleri aýrýhana qabyrǵasynda jasalýda. Munda jaqyn ornalasqan Kentaý qalasy men Otyrar, Báıdibek aýdandarynyń turǵyndary da em qabyldaıdy. Osydan 5 jyl buryn qabyrǵasy qalanǵan 214 oryndyq aýrýhana bazasy zamanaýı kompıýterlik tomografııa, sıfrly rentgen, ýltradybystyq zertteý apparattarymen tolyq qamtamasyz etilgen.
«Emdeý mekemesiniń saǵatyna 8 tekshe metr ottegi shyǵaratyn jeke ottegi stansasy bar. Qalalyq balalar aýrýhanasyna onyń 1 tekshe metriniń ózi jetkilikti. Artyǵymen óndiriletin bolǵandyqtan, basqa aýrýhanalarǵa taratýǵa múmkindigimiz bar. Qosymsha 19 ottegi konsentratory ornatylǵan», deıdi qalalyq aýrýhananyń bas dárigeri Ábdishúkir Egizbaev.
Aýrýhanada hırýrgııa, nevrologııa, júrek aýrýlaryn emdeý syndy 12 bólimshe bar. Barlyǵy da qajetti dári-dármek jáne medısınalyq qural-jabdyqtarmen qamtylǵan. Bilikti dárigerler quramy qazir 200-ge jýyq balaǵa emdik qyzmet kórsetýde.
О́ńirde sondaı-aq COVID-19 ınfeksııasyn anyqtaýǵa beıimdelgen zerthanalarda qosymsha jańa BIO-rad apparaty iske qosylyp, árqaısysynda synama alý qaýqarlyǵy 500-ge jetti. Osylaısha, oblys aýmaǵyndaǵy barlyq zerthananyń táýligine 5 myń synama alý múmkindigi bar. О́ńirde 10 zerthana jumys isteıdi.
Oblystyq qoǵamdyq densaýlyq saqtaý basqarmasynyń basshysy Marat Pashımovtyń aıtýynsha, koronavırýs ınfeksııasynyń yqtımal beleń alý jaǵdaılary eskerile otyryp, medısınalyq uıymdarda 6 myńnan asa orynmen qamtý qarastyrylǵan. Kórshi eldermen shekaralas Saryaǵash pen Maqtaaral aýdandarynda 100 karantındik stasıonarlyq oryndar daıyn.
