Almaly aýdandyq polısııa basqarmasynyń qyzmetkerleri "Ýchastok" jedel-aldyn alý is-sharasy kezinde iri kólemde esirtki saqtaǵan er adamdy ustady.
"Aýdanda ornalasqan páterlerdiń birinde esirtki zattarynyń jaǵymsyz ıisi shyǵatyny jáne osy páterdiń aınalasynda únemi kúmándi adamdar júretini týraly jedel aqparat aldyq. Aqparat rastaldy. Bul páterdi 1989 jyly týǵan B. esimdi er adamgyń jalǵa alǵany belgili boldy. Páterdi tintý kezinde qaltaǵa oralǵan esirtki zattary tabyldy. Kúdikti qamaýǵa alyndy. Ol Jambyl oblysy Shý aýdanynyń turǵyny bolyp shyqty. Er adam jumys izdep, Almatyǵa kelgen. Ol ózimen birge gashısh túrindegi esirtkilerdi alyp kelgen. Tárkilengen esirtkiniń jalpy salmaǵy 1 keli 670 gramm", - dedi Almaly aýdandyq polısııa basqarmasynyń basshysy Esen Ysqaqov.
Qazirgi tańda bul fakt boıynsha QR Qylmystyq kodeksiniń 296-baby 4-bóligi ("Esirtki quraldaryn, psıhotroptyq zattardy jáne olardyń analogtaryn zańsyz daıyndaý, óńdeý, alý, saqtaý, tasymaldaý") boıynsha sotqa deıingi tergeý amaldary júrgizilip jatyr.
Kúdikti ýaqytsha ustaý ızolıatoryna qamaldy.
