Denıs Ten Italııada top jardy

Qazaqstandyq mánerlep syrǵanaýshy Denıs Ten keshe tańerteń Italııanyń Merano qalasynda ótip jatqan Merano Cup halyqaralyq týrnırinde erlerdiń jekeleı óner kórsetýleri boıynsha birinshi oryndy jeńip aldy.

Qazaqstandyq mánerlep syrǵanaýshy Denıs Ten keshe tańerteń Italııanyń Merano qalasynda ótip jatqan Merano Cup halyqaralyq týrnırinde erlerdiń jekeleı óner kórsetýleri boıynsha birinshi oryndy jeńip aldy.

Bizdiń sportshy bul jarysta 231,12 ball jınap, japon Daısýke Mýrakamı (222,89) jáne ıtalıan Paolo Bachını (189,07) syndy bas­ty qarsylastaryn shań qaptyryp ketti.

Mine, osy jarys aıaqtalar-aıaq­tal­mastan Denıs keshe taǵy bir osyn­daı bedeldi týrnırge qatysý úshin Avstrııaǵa ushyp keldi. Ol Gras qalasynda 20-24 qarasha kún­deri ótedi. Túnde onda erler men áıelderdiń jeke syrǵanaýlary boıyn­sha saıys bastaldy.

Aıta ketýimiz kerek, Denıs Ten­niń ústimizdegi jyly Kanadada ótken álem chempıonatynda qol jet­kizgen kúmis medali arqa­synda Qazaqstan Sochıde 2014 jyl­dyń aqpan aıynda ótetin qys­qy Olım­pııalyq oıyndarǵa eki má­nerlep syrǵanaýshy qoıýǵa múmkindik alǵan bolatyn. Bul oryn­dar Denıstiń ózinen bólek Ab­zal Raqymǵalıev esimdi taǵy bir sport­shymyzǵa berilip otyr.

Damır QOJAMQUL.