Ońal Bekeevtiń aıtýynsha, aǵymdaǵy jyldyń 26 qazanynda kólik polıseıleri jedel-izdestirý is-sharalaryn júrgizý barysynda iri kólemde urlyq jasaǵandary úshin Pavlodar qalasynyń bes turǵynyn anyqtap, ustady. Kúdiktilerdiń tórteýi temir jol kúzetiniń qyzmetkerleri, al olardyń besinshisi júk satyp alýshy bolyp shyqty.
"Keltirilgen shyǵyn somasy 40 mıllıon teńgeden asty. Ustalǵandar osy qylmysqa qatysy bar ekendikterin moıyndady. Kúdiktilerdiń úsheýi Pavlodar qalasy polısııa bóliminiń ýaqytsha ustaý ızolıatoryna qamaldy, al ekeýine qatysty eshqaıda ketpeý týraly - bultartpaý sharasy qoldanyldy. Zattaı aıǵaqtar tárkilendi.
Qazirgi ýaqytta osy oǵıǵaǵa qatysty QR QK-niń 188-baby 3-bóliginiń 2 jáne 3-tarmaqtarymen, ıaǵnı, birneshe ret; turǵyn, qyzmettik nemese óndiristik úı-jaıǵa, qoımaǵa ne kólik quralyna zańsyz kirýmen jasalǵan urlyq boıynsha sotqa deıingi tergep, tekserý jumystary júrgizilýde", dep túıindedi sózin polısııa polkovnıgi.
