Soltústik Koreıa basshysy Kım Chen Yn Ońtústik Koreıanyń bedeline nuqsan keltiretin úgit-nasıhat jumystaryn údete túsýge pármen berdi. Bul týraly RIA «Novostı» habarlady.
Ońtústik Koreıa úkimetiniń derek kózderine qaraǵanda, Kım Chen Yn óziniń basqarýyndaǵy Koreı eńbekshileri partııasyna Pak Kyn He jetekshilik etetin Ońtústik Koreıany jaǵymsyz jaǵynan kórsetýge baılanysty nusqaý bergen.
Kım Chen Yn joǵaryda aıtylyp ótken máselege qatysty qazan aıynyń basynda arnaıy buıryq shyǵarǵan kórinedi.
Qazirdiń ózinde soltústikkoreıalyq buqaralyq aqparat quraldary Ońtústik Koreıa prezıdenti Pak Kyn Heni «dıktator» dep atap, onyń «meken-jaıyna» túrli bylapyt sózderin baǵyttaı bastaǵan.
Keıbir sarapshylardyń boljamdaryna qaraǵanda, Seýlmen qarym-qatynasty túzetýge ishteı nıetti Kım Chen Yn Ońtústik Koreıanyń prezıdenti Pak Kyn Heniń bedelin tómendete otyryp, nátıjesinde ońtústikkoreıalyq oppozısııanyń qoldaýyna ıe bolýdy kózdeıdi. Al oppozısııa Ońtústik Koreıanyń bıligine kele qalsa, Kım Chen Yn olarmen túsinistikpen birlese jumys isteýi múmkin.
Joldy
Derekóz: RIA «Novostı».
baı Bazar.
