Jumys sapary barysynda óńirlik medısına obektileriniń koronavırýs ınfeksııasynyń bolýy múmkin tolqynyna daıyndyǵyn tekserdi. Sondaı-aq vıse-premer óńirdegi epıdemıologııalyq jaǵdaı boıynsha keńes ótkizdi, jergilikti memlekettik organdar men Polısııa departamenti basshylyǵy qabyldap jatqan sharalar týraly esebin tyńdady. Premer-Mınıstrdiń orynbasary aýyldyq jerlerde PTR zerthanasynyń joqtyǵyn eskere otyryp, bul qyzmet túriniń oblys turǵyndaryna qoljetimdi bolýyn tez arada sheshýdi tapsyrdy. Eraly Toǵjanov qazan aıynyń qorytyndysy boıynsha óńirde tirkelgen SOVID-19 faktileriniń úsh esege óskenin atap kórsetti. Pavlodar, Ekibastuz jáne Aqsý qalalaryndaǵy epıdemıologııalyq jaǵdaıdy turaqtandyrý qajettigine erekshe nazar aýdardy.
Vedomstvoaralyq komıssııanyń tóraǵasy óńirdegi epıdemıologııalyq jaǵdaıdy turaqtandyrý boıynsha oblys ákimdigine 2020 jyldyń 9 qarashasynan bastap birqatar shekteý sharalaryn qabyldaýdy, atap aıtqanda:
Pavlodar qalasynyń perımetri boıynsha blok-beketter ornatýdy;
kún saıynǵy ósimi 10-nan astam jaǵdaıdy quraıtyn eldi mekenderde sanıtarlyq blok-beketter ornatýdy;
kelesi baǵyttar boıynsha áýe qatynasyn qysqartýdy:
Pavlodar-Almaty aptasyna 10 reısten 5 reıske deıin;
Pavlodar-Nur-Sultan 3 reısten 1 reıske deıin;
Pavlodar-Shymkent aptasyna 2 reısten 1 reıske deıin;
Pavlodar-Almaty baǵyty boıynsha temirjol tasymaldaryn aptasyna 7 retten 3 retke deıin qysqartýdy;
jolaýshylar temirjol quramdarynyń oblys ishinde aıaldaýyna (oblys ákimdigi belgilegen jerlerdi qospaǵanda) tyıym salýdy;
dinı obektilerdiń, teatrlardyń, kınoteatrlardyń, mádenıet obektileriniń qyzmetin toqtata turýdy;
qoǵamdyq tamaqtaný obektileriniń jumysyn saǵat 20:00-ge deıin shekteýdi;
oflaın rejımde keńester ótkizýge tyıym salýdy;
qyzmetkerlerdiń keminde 80%-yn qashyqtan jumys isteý rejımine kóshirýdi;
65 jastan asqan adamdarǵa azyq-túlikti, birinshi kezekte qajetti taýarlardy, dári-dármekterdi jáne medısınalyq buıymdardy satyp alý jaǵdaılaryn qospaǵanda, asa qajettiliksiz turǵylyqty jerinen shyqpaýdy usynýdy;
Demalys jáne mereke kúnderi: qoǵamdyq kóliktiń (tramvaılar, avtobýstar, marshrýttyq taksıler) jumysyn toqtata turýdy;
jabyq jáne ashyq azyq-túliktik emes jáne azyq-túlik bazarlarynyń jumysyn toqtata turýdy;
monshalardyń, saýnalardyń jumysyn toqtata turýdy;
qoǵamdyq tamaqtaný obektileriniń jumysyn tek tapsyrys berýshige jetkizý formatyna kóshirýdi tapsyrdy.
Sondaı-aq óńir basshylyǵyna karantın rejımin saqtaý boıynsha monıtorıngtik toptardyń qyzmetin kúsheıtý, turǵyndar arasynda karantın rejımin múltiksiz saqtaý qajettiligi týraly aqparattyq-túsindirý jumystaryn júrgizý tapsyryldy. О́ńirdegi epıdemıologııalyq jaǵdaı Úkimettiń turaqty baqylaýynda.
