Jambyl oblysy, Sarysý aýdany, Jaıylma aýylynda týǵan. Sarysý aýdanynyń Qurmetti azamaty.
Berik Shahanulynyń alǵashqy áńgimeleri "Aq teke" 1962 jyly "Baldyrǵan" jýrnalynda, "Meniń aǵalarym" 1963 jyly qazirgi "Jas Alash" gazetinde jarııalanǵan. "Ǵashyqtyń tili" (1973), "Aq ıirim" (1979), "Qarataýdyń samaly" (1984), "Noch v gorah" (orys tilinde, 1987), "Kórgen tústeı dúnıe" (1989), "Qusa" (1992) atty kitaptary jaryq kórdi. Berik Shahanuly Ázirbaıjan jazýshysy Anardyń "Aq jaǵalaý" atty povesi men áńgimeler jınaǵyn, Nıvhy jazýshysy V.Sangıdiń "Qaıyrly maýsym" romany men bir top áńgimelerin qazaq tiline aýdarǵan. Ázirbaıjan Respýblıkasynyń qurmet «Altyn kitabyna» esimi jazylǵan (1980).
Ázirbaıjan Jazýshylar odaǵynyń tóraǵasy, halyq jazýshysy Anar jazýshymen dostyǵy týraly bylaı deıdi: «Birneshe jyl buryn biz Qazaqstan Jazýshylar odaǵynyń 75 jyldyǵynda Berik Shahanulymen kezdestik, bul tanystyq dostyqqa ulasty. Berik Shahanuly pen onyń otbasy Ázirbaıjan ádebıetin óte jaqsy bildi. Berik Shahanulynyń Ázirbaıjan tilindegi kitaptaryn da bizdiń oqyrmandar jyly qabyldady».
