Memlekettik qyzmetterdi qaǵazsyz kórsetýge kóshý Memleket Basshysy Qasym-Jomart Toqaevtyń halyqqa bıylǵy Joldaýynda qoıǵan mindetteriniń biri edi. Osy rette, QR Ekologııa, geologııa jáne tabıǵı resýrstar mınıstrliginiń barlyq memlekettik qyzmetteri avtomattandyrylǵan, al olardyń 88%-y endi tek elektrondy formatta kórsetiledi.
Osylaısha, atalǵan qyzmetterdi alýdyń qaǵaz múmkindigi alynyp tastaldy. Qyzmetterdi tek elektrondy formatta kórsetý bıýdjet qarajatyn aıtarlyqtaı únemdeıdi.
Osy nátıjege qol jetkizý úshin Mınıstrlik qyzmet kórsetýshilerdi memlekettik organdardyń biryńǵaı kólik ortasyna qosý boıynsha jumys jasady. Sondaı-aq, baılanys arnalaryna Marqakól memlekettik qoryǵy sııaqty shalǵaı mekeme qosyldy.
Budan basqa, akkredıttelgen qaýymdastyqtar baılanys arnalaryna qosylǵannan keıin, endi ańshy kýáligin berý boıynsha suranysqa ıe qyzmetke ótinimderdi «elektrondyq úkimet» portaly arqyly onlaın berýge bolady.
Aıta keteıik, QR Ekologııa, geologııa jáne tabıǵı resýrstar mınıstrliginiń Memlekettik qyzmetterdi avtomattandyrýy jáne qaǵazsyz qyzmet kórsetýdiń 88%-na qol jetkizý QR Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsınniń tóraǵalyǵymen ótken Memlekettik qyzmetter kórsetý máseleleri jónindegi vedomstvoaralyq komıssııamen birlesip Mınıstrliktiń burynǵy jaýapty hatshysy Sábıt Nurlybaıdyń keshendi jumysynyń nátıjesinde qol jetkizildi. Esterińizge sala keteıik, VAK qyzmeti Memlekettik qyzmetterdi avtomattandyrý jáne halyqtyń olardy alýyn jeńildetý úshin tıimdi bıznes-prosesterdi ázirleýge baǵyttalǵan.
