«Mınıstrlik barlyq azamattar sekildi elimizdiń tabıǵat baılyqtaryn buzbaı saqtap, qorshaǵan ortany qorǵaý múddesin ustanady. Osyǵan baılanysty Bozjyra aýmaǵyndaǵy nysannyń qurylysy qoǵamdyq tyńdaýdan, zańǵa sáıkes tıisti organdarda ekologııalyq saraptamadan, onyń ishinde qorshaǵan ortaǵa áserin baǵalaýdan ótýi tıis. Bul jaǵdaıda qurylys erejeleriniń saqtalýyn, saraptamadan ótý prosesin jergilikti atqarýshy organdar, ıaǵnı aımaqtaǵy ákimdik baqylaıdy. Qazir Bozjyrada qonaq úı salý máselesi joq. Tek týrıster túnep ketetin shaǵyn pýnkt (býtık otel) turǵyzý josparlanýda.
Qoryqsha aýmaǵynda qurylys nysandaryna jer ýchaskesin bólý QR Ekologııa, geologııa jáne tabıǵı resýrstar mınıstrliginiń quzyretine jatpaıdy. Mańǵystaý oblysy ákiminiń hattamalyq tapsyrmasyna sáıkes, Qaraqııan aýdany ákiminiń Bozjyra aýmaǵynan 80 gektar jer bólý týraly buıryǵy daıyndalyp jatyr», delingen habarlamada.
Ekologııa mınıstrligi qaramaǵyndaǵy Orman sharýashylyǵy jáne janýarlar álemi komıteti jáne onyń aýmaqtyq bólimsheleri zań talaptarynyń oryndalýyn baqylaıdy.
«Buǵan deıin jergilikti ekologtar keı týrısterdiń Mańǵystaý oblysynyń tabıǵı oryndarynda kóp qoqys qaldyratyny týraly da másele kótergenin atap ótkizimiz keledi. Bul problema Qazaqstannyń barlyq óńiri úshin aktýaldy. Osyǵan baılanysty Ekologııa mınıstrligi azamattardy tabıǵat aıasynda demalǵanda tazalyq pen tártipti saqtaý qajettigin eskertedi. Ekologııalyq zańnamany saqtamaýǵa qatysty jazany kúsheıtý týraly normalar qazir QR Parlamentinde qaraýda jatqan jańa Ekologııalyq kodekste qarastyrylǵan», delingen habarlamada. «Bozjyra» jergilikti deńgeıdegi «Jabaıshuqan» qoryqsha ornalasqan. «Jabaıushqan» qoryqshasy Mańǵystaý oblysy ákiminiń 2012 jylǵy 31 shildedegi №182 qaýlysyna sáıkes qurylǵan. Mańǵystaý oblysy tabıǵı resýrstar jáne tabıǵatty paıdalaný basqarmasynyń «Qyzylsaı» memlekettik óńirlik tabıǵı parkine qaraıdy. Aýmaǵy – 316 141 gektar, Mańǵystaý oblysynyń Qaraqııan aýdany aýmaǵynda ornalasqan. QR «Erekshe qorǵalatyn tabıǵı aýmaqtary týraly» zańnyń 69-babyna sáıkes, erekshe qorǵalatyn tabıǵı aýmaqtar terrıtorııasyndaǵy sharýashylyq qyzmet pasportpen retteledi. Pasportta tabıǵı resýrstardy ornyqty paıdalanýdy qamtamasyz etetin, ekologııalyq júıege keri áserin tıgizbeıtin dástúrli sharýashylyq qyzmettiń negizgi túrlerine ruqsat beriledi. Týrıstik jáne rekreasııalyq qyzmet pen jer ýchaskelerin týrıster toqtaıtyn oryn ázirleýge paıdalanýǵa, sırek kezdesetin nemese joǵalyp bara jatqan ósimdikter men janýarlar túrlerin qoldan kóbeıtý, ósirý maqsatynda pıtomnıkter qurýǵa, zakaznık qyzmetkerleri turatyn úıler, ıaǵnı «kordondar» salýǵa, olarǵa sharýashylyq úshin jer telimine berýge bolady. Al qoryqshanyń ekologııalyq júıesine keri áserin tıgizetin tabıǵat paıdalaný jáne sharýashylyq qyzmet túrlerine tyıym salynady nemese shekteý qoıylady.
