Jalpy, jappaı testileý naqty ne nársege qol jetkizedi degen saýal da týyndaıdy. Oksford ýnıversıtetiniń qyzmetkeri, úkimettiń ǵylymı keńesshisi Ser Djon Bell «bul áreket bizdi aldaǵy qıyndyqtardan qutqarýy múmkin» degendi aıta otyryp, biraq «bul jaǵdaıdan tym kóp shý shyǵarýdyń qajeti joq» ekenin de eskertti.
Jappaı testileý qaterli isik skrınıngine uqsaıdy. Saý adamdar da tekseriledi, solardyń arasynan ózderi bilmeı vırýs juqtyryp alǵandar anyqtalýy múmkin. Bul indettiń órshýine ary qaraı jol bermeıdi. Dál osy qadam Qytaıda birneshe ret qoldanylǵan bolatyn. Vırýs órshigen aımaqtarda turǵyndardy jappaı tekserip, ózderi bilmeı, sımptomsyz júrgen naýqastardy oqshaýlaǵan. Al bul – óz kezeginde indettiń basqalarǵa juqpaýyn qadaǵalaýǵa taptyrmas sheshim. Slovakııa da dál osy ádiske júginýdi kózdep otyr.
Testileý mıllıondaǵan halyqqa qalaı júrgiziledi degen zańdy saýal týyndaıdy. Qoldanylatyn synama júktilikti anyqtaıtyn testke uqsas keledi: qarapaıym, arzan jáne jyldam anyqtaıdy. Murynnan ne aýyz qýysynan alynǵan materıal vırýstyń bar-joǵyn birden kórsetip beredi. Laboratorııa men medısına qyzmetkeriniń qajeti joq. Osylaısha Ulybrıtanııa indettiń órshýine baılanysty eldegi qaýipsizdik sharalaryn qaıta kúsheıtýge májbúr bolyp otyr.
