Qazaqstan aýmaǵynyń basym bóliginde aýa raıyna Salehard aımaǵynan keletin sıklon áser etedi. Osyǵan baılanysty turaqsyz aýa raıy saqtalady, jaýyn-shashyn (jańbyr, qar) jaýady.
Respýblıkanyń keı jerlerinde jel ekpini 25 m/s deıin kúsheıedi, tuman túsedi, kóktaıǵaq bolyp, jaıaý burqasyn soǵady. Tek elimizdiń ońtústik-shyǵysynda antısıklon yqpalymen jaýyn-shashynsyz aýa raıy saqtalady.
Aqmola, Qostanaı, Soltústik Qazaqstan, Shyǵys Qazaqstan oblystarynyń keı jerlerinde tuman, kóktaıǵaq, jaıaý burqasyn bolady, jel qarqyny - 15-20 m/s.
Aqmola, Shyǵys Qazaqstan oblystarynda kúndiz jeldiń ekpini 23 m/s jetedi. Qaraǵandy oblysynyń keı jerlerinde kóktaıǵaq, jaıaý burqasyn kútiledi, jel jyldamdyǵy 25 m/s deıin kúsheıedi.
Aqtóbe, Batys Qazaqstan, Pavlodar oblystarynyń keı jerlerinde tuman, kóktaıǵaq kútiledi, Batys Qazaqstan, Pavlodar oblystarynda kúndiz jeldiń kúshi15-20 m/s jetedi.
Jambyl, Túrkistan, Mańǵystaý oblystarynyń keı jerlerinde tuman túsedi, Jambyl, Mańǵystaý oblystarynda jel qarqyny - 15-20 m/s. Qyzylorda oblysynyń keı jerlerinde jel jyldamdyǵy 15-20 m/s deıin kúsheıedi.
