Úkimet basshysy Elbasy tapsyrmalaryn oryndaýǵa baılanysty keıbir organdar jumysyn qatań synǵa aldy
О́tken senbide Premer-Mınıstr Serik Ahmetov Memleket basshysynyń Úkimettiń keńeıtilgen otyrysynda bergen tapsyrmalaryn oryndaý máselesi jóninde arnaıy keńes ótkizdi.
Prezıdent tapsyrmasy qalaı oryndalýda?
Úkimet basshysy Elbasy tapsyrmalaryn oryndaýǵa baılanysty keıbir organdar jumysyn qatań synǵa aldy
О́tken senbide Premer-Mınıstr Serik Ahmetov Memleket basshysynyń Úkimettiń keńeıtilgen otyrysynda bergen tapsyrmalaryn oryndaý máselesi jóninde arnaıy keńes ótkizdi.
Keńeste Prezıdenttiń syn-eskertpelerin oryndaýǵa qatysty qarjy-ekonomıkalyq máselelerdiń úlken blogy qarastyryldy. Ortalyq atqarý organdarynyń, ulttyq kompanııanyń jetekshileriniń esepteri tyńdaldy.
Máselen, О́ńirlik damý mınıstrligi men Ekonomıka jáne bıýdjettik josparlaý mınıstrliginiń arasyndaǵy óńirlik damý, memlekettik satyp alýlardy jetildirý, memlekettik jáne salalyq baǵdarlamalardy qarjylandyrý men ońtaılandyrýǵa qatysty ókilettikterdi shekteý máselesi talqylandy.
Ekonomıka jáne bıýdjettik damý mınıstri Erbolat Dosaevtyń habarlaǵanyndaı, memlekettik jáne salalyq baǵdarlamalardy keshendi baǵalaý jumystary júrgizilip, olardy ázirleýdiń sapasyna taldaý jasalynǵan. Sonyń nátıjesinde olardy ońtaılandyrý jáne júzege asyrý tetikterin sapaly turǵydan jetildirý jóninde usynystar ázirlendi.
Premer-Mınıstr Ortalyq atqarý organdarynyń jetekshileriniń nazaryn neǵurlym tıimdi jumys istep jatqan baǵdarlamalardy aıqyndaý qajettigine aýdardy.
«Jumys istemeıtin baǵdarlamalarǵa jabysyp otyra bermeńizder. Biz olardy qysqartyp, bosaǵan qarjyny daǵdarys pen kúres sharalary aıasyndaǵy ekonomıkanyń basym baǵyttaryna, atap aıtqanda jańa jumys oryndaryn qurý men ekonomıkany damytýǵa negizdelgen sharalarǵa qaraı baǵyttaýymyz kerek», dep atap kórsetti Serik Ahmetov.
Sondaı-aq, jekeshelendirýdiń ekinshi tolqyny aıasyndaǵy kásiporyndar men nysandardy arttyrý jónindegi máseleni talqylaý barysynda da Úkimet basshysy birqatar tapsyrmalar berdi. Premer-Mınıstr, ásirese, memlekettik múlik jónindegi jergilikti organdardyń áreketsizdigine qatysty óz narazylyǵyn jasyrmady.
«Bizde jekeshelendirý, memlekettik múlikti basqarý jóninde qanshama komıtetter qurylǵan. Biraq olardyń nemen aınalysyp otyrǵany túsiniksiz. Jergilikti jerde memleket múlkiniń máselelerine qatysty eki memlekettik organ jumys istep otyrsa da atqarylǵan sharýany kórip otyrǵanymyz joq. Munymen naqty shuǵyldanýymyz kerek», dep tapsyrdy S.Ahmetov. Sonymen qatar, keńeske qatysýshylarǵa Memleket basshysynyń tapsyrmalarynyń oryndalý barysy qatań qadaǵalanýynyń qajettigin eskertti.
«Tapsyrmalardy júzege asyrý mınıstrlerdiń erekshe baqylaýynda bolýy tıis. Olardy naqty jáne sapaly etip oryndaý óz nátıjelerin beretindigi anyq. Sondyqtan Prezıdent tapsyrmalarynyń oryndalý barysyn qatań qadaǵalaýǵa alýdy tapsyramyn», dep atap kórsetti Úkimet basshysy.
Sonymen qatar, Premer-Mınıstr Prezıdenttiń jýyqtaǵy Jambyl oblysyna jasaǵan jumys saparynyń barysynda bergen tapsyrmalaryna da toqtalyp ótti.
«Memleket basshysy bul oblystaǵy údemeli ındýstrııalyq-ınnovasııalyq damýdyń memlekettik baǵdarlamasynyń oryndalý barysyna qatysty birqatar syndar aıtty. Bul óńirde atalǵan baǵdarlama boıynsha 38 kásiporyn ashylǵanymen, olardyń 29-y ǵana jumys istep tur. Osy ýaqytqa deıin halyqtyń aýzynda bolyp kelgen iri sement zaýyty ashyla salysymen jabylǵan. Osynyń mán-jaıyn anyqtańyzdar» dep tapsyrdy Úkimet basshysy tıisti ókiletti organdarǵa.
Keńes barysynda avtokólik joldary qaýipsizdigin qamtamasyz etý, olardy tıisti tehnologııalyq qajettiliktermen jabdyqtaý máselesi de qozǵaldy.
«Tek ústimizdegi jyldyń ózinde Jambyl oblysynyń joldarynda, sonyń ishinde «Batys Eýropa – Batys Qytaı» jol teliminiń boıynda 1 myńnan astam jol apaty tirkelip, 300-den astam adam qaza tapqan. Joldar bólý belgilerimen jabdyqtalmaǵan», dedi Premer-Mınıstr. Osyǵan oraı birinshi sanatty joldardy salǵan kezde tıisti qural-jabdyqtardy; jyldamdyq ólshegishterdi, baqylaý quraldaryn ornatýdy esten shyǵarmaý qajettigin eskertti. «Tórt jolaqty joldy salǵan kezde jol bólý belgilerin ornatpaı ketý salaqtyǵyn qalaı túsinýge bolady. Astana – Býrabaı jolyna qarańyzdarshy. Mundaǵy jańa jol salynǵanǵa deıin jol boıynda jylyna 80 adam qaıtys bolatyn. Al 2012 jyly 1 ǵana adam qaza taýypty. Mine, osyndaı jaıdan qorytyndy shyǵaryp, óz jumystaryńyzǵa jaýapkershilikpen qaraýlaryńyz qajet», degen Úkimet basshysy osy problemamen aınalysyp, oryn alyp otyrǵan kemshilikter men óreskeldikterdi joıý jóninde naqty tapsyrma berdi.
Suńǵat ÁLIPBAI,
«Egemen Qazaqstan».
