2019 jyldyń 9 aıynda kámeletke tolmaǵandar arasynda 61 zań buzýshylyq tirkelse, bıyl 47 oqıǵa oryn alyp, ótken jylmen salystyrǵanda 27% tómendegen.
Bul týraly qalalyq bilim basqarmasynyń ókili Uljalǵas Saýrbaeva baspasóz brıfıngte málimdedi.
–Qylmys jasaǵan oqýshylarǵa mektep ákimshiligi arnaıy tálimger bekitilip, bos ýaqytyn tıimdi uıymdastyrý úshin úıirmeler men sporttyq seksııalarǵa jumyldyryp otyrmyz. Ata –analarymen jeke áńgimelesip, qatań baqylaýǵa alynǵan, dedi ol.
Bilim basqarmasy ókiliniń sózinshe qaladaǵy 9 qosymsha bilim berý mekemesinde 20 061 oqýshy ár túrli baǵyttaǵy qosymsha bilimin jetildirýde. Al, sport mektepterinde 15 myńǵa jýyq oqýshy túrli sporttyq seksııalarǵa qatysady. Sonymen qatar, 82 434 oqýshy mektep janynan ashylǵan sport úıirmelerine barady.
Aıta keteıik, qazirgi tańda qaladaǵy 178 mektepte 223 777 oqýshy 30 kolledjde 27 046 stýdent bilim alady.
