Munan soń vıse-mınıstr Qoja Ahmet Iаssaýı atyndaǵy Qazaq–Túrik ýnıversıetiniń kitaphanasyn aralap kórip, sonda ornalasqan Túrkistan oblystyq «Rýhanı jańǵyrý» jobalyq keńsesiniń jumysymen de tanysyp shyqty.
Elbasy Nursultan Nazarbaevtyń "Bolashaqqa baǵdar: rýhanı jańǵyrý" atty maqalasyndaǵy negizgi baǵyttardyń biri – "Jańa gýmanıtarlyq bilim. Qazaq tilindegi 100 jańa oqýlyq» arnaıy jobasy.
Atalǵan baǵyt aıasynda oblysymyzda bıyl 46 is-shara uıymdastyrylyp, oǵan 6 myńǵa jýyq adam qatysqan. Túrkistan oblysyndaǵy barlyq bilim berý mekemelerinde joba týraly jan-jaqty túsindirilip, synyp, tárbıe jáne túrli ashyq sabaqtar ótkizilýde. Sondaı-aq, óńirimizdegi barlyq kitaphanalar arnaıy shyǵarylǵan kitaptarmen qamtylýda.
Jalpy jyl basynan beri "Rýhanı jańǵyrý" baǵdarlamasy aıasynda oblysta 821 is-shara ótip, 100 myńǵa jýyq adam qamtylǵan. Is-sharalaryń basym bóligi onlaın formatynda, chellendj, baıqaý, kezdesýler túrinde uıymdastyrylýda. Jyl boıǵy atqarylǵan jumystar týraly vıse-mınıstrge Túrkistan oblystyq
"Rýhanı jańǵyrý" jobalyq keńsesiniń basshysy Aıdar Seıdázim jan-jaqty baıandap berdi. Bolat Anapııauly atqarylǵan jumystarǵa oń baǵasyn berip, keńse qyzmetkerlerimen ózara pikir almasty.
"Jyl boıy atqarylǵan jumystar az emes ekeni baıqaý qıyn emes. Elbasymyzdyń "Bolashaqqa baǵdar: rýhanı jańǵyrý" atty maqalasyndaǵy negizgi baǵyttardy júzege asyrýda Túrkistan oblysynyń mańyzy erekshe. Aldaǵy ýaqytta bul baǵdarlama negizgi 4 baǵytta júzege asyrylmaq. Osy maqsatta bul jobalar qaıta qaralýda. Sondyqtan Túrkistan oblystyq jobalyq keńesiniń jumysyn odan ári júıelep, kúsheıtýimiz qajet", dedi Bolat Anapııauly.
Munan soń vıse-mınıstr oblysymyzdaǵy birqatar úkimettik emes uıym basshylarymen kezdesip, alda atqarylatyn joba-josparlar jóninde pikir almasty. Kezdesý barysynda úkimettik emes uıymdardyń jumysyn jandandyrý, jobalardy qarjylandyrý, júıeleý baǵytynda qola alynǵaly otyrǵan jobalardy baıandap berdi.
