Oblystaǵy Ertis aýdanynda osylaı eken. Jaqynda sol jaqta issaparda boldyq. Bizdi aýdan ákiminiń orynbasary Dıdar Qalıjanova qarsy aldy. Jas qyzdyń qyzmet ústeliniń ústi tap-taza, jumys jasap qyzyltanaý bolyp otyrǵan adamǵa uqsamaıdy. Qazaqsha áıteýir úsh-tórt aýyz aıtatyny bar eken. Aldynan bir túıir qaǵaz, gazet-jýrnal kórgenimiz joq. Sińlimizge:
– Baspasózge jazylý barysy qalaı júrip jatyr? – dep edik:
Oblystaǵy Ertis aýdanynda osylaı eken. Jaqynda sol jaqta issaparda boldyq. Bizdi aýdan ákiminiń orynbasary Dıdar Qalıjanova qarsy aldy. Jas qyzdyń qyzmet ústeliniń ústi tap-taza, jumys jasap qyzyltanaý bolyp otyrǵan adamǵa uqsamaıdy. Qazaqsha áıteýir úsh-tórt aýyz aıtatyny bar eken. Aldynan bir túıir qaǵaz, gazet-jýrnal kórgenimiz joq. Sińlimizge:
– Baspasózge jazylý barysy qalaı júrip jatyr? – dep edik:
– Men aýdan ákimi orynbasarynyń mindetin atqarýshymyn. Qazir ishki saıasat bóliminiń basshysyn shaqyraıyn, sol aıtady, – dedi.
Sóıtsek, bul bólimniń basshysy Áspet Jansultanova da basshynyń mindetin atqaryp júr eken. Ári qaraı surastyrsaq, aýdandyq bilim bóliminiń basshysy Maııa Bagıenova, mádenıet, tilderdi damytý, deneshynyqtyrý jáne sport bóliminiń basshysy Janar Dúısembına, aýdandyq mádenıet úıiniń dırektory Elmıra Aımuhanova, turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy – Tólesh Bekpaýov, ishki ister bóliminiń basshysy Serik Úsenov túgelimen basshynyń mindetin atqaryp júrgender eken. Aýdandyq máslıhat apparatynyń jetekshisi de joq kórinedi.
Aýdanǵa bıylǵy jyly tamyz aıynda Nyǵman Pishenbaev ákim bolyp keldi. Oblys ákimi Erlan Aryn aıtqandaı, «úsh márte ákim» ataǵyna ıe. Aıtsa aıtqandaı-aq, tájirıbesi bar, Aqtoǵaı, Maı aýdandaryn basqarǵan. Osy arada bizge mynadaı bir oı keldi: «Aýdan ákimi túrli sala basshylaryn qashanǵy synaıdy. Ári-sári kúı keshtirmeı, naqty bir sheshim nege qabyldamaıdy?», degen. Árıne, jurtshylyq ákimdiktegi ár orynǵa laıyqty, aýdanǵa syıly, jurt biletin, jan-jaqty bilimdi, ómirden túıgeni bar, istiń jaıyn biletin, mindetine adal, ana tilin ary kóretin, patrıot memlekettik qyzmetkerlerdiń kelgenin qalaıdy. Desek te, tamyz aıynan beri mindetin atqaryp qana otyrǵan qyzmetkerden qandaı nátıje kútýge bolady?
Farıda BYQAI,
«Egemen Qazaqstan».
Pavlodar oblysy,
Ertis aýdany.
