2013 jylǵy 3 qyrkúıek, Astana, Úkimet Úıi
Menshik ıesiniń jáne (nemese) operatordyń, sondaı-aq úshinshi tulǵanyń derbes derekterdi qorǵaý jónindegi sharalardy júzege asyrý qaǵıdalaryn bekitý týraly
«Derbes derekter jáne olardy qorǵaý týraly» 2013 jylǵy 21 mamyrdaǵy Qazaqstan Respýblıkasynyń Zańy 26-babynyń 4) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Menshik ıesiniń jáne (nemese) operatordyń, sondaı-aq úshinshi tulǵanyń derbes derekterdi qorǵaý jónindegi sharalardy júzege asyrý qaǵıdalary bekitilsin.
2. Osy qaýly 2013 jylǵy 25 qarashadan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri A.AHMETOV.
Qazaqstan Respýblıkasy Úkimetiniń 2013 jylǵy 3 qyrkúıektegi №909 qaýlysymen bekitilgen
Menshik ıesiniń jáne (nemese) operatordyń, sondaı-aq úshinshi tulǵanyń derbes derekterdi qorǵaý jónindegi sharalardy júzege asyrý qaǵıdalary
1. Jalpy erejeler
1. Osy Menshik ıesiniń jáne (nemese) operatordyń, sondaı-aq úshinshi tulǵanyń derbes derekterdi qorǵaý boıynsha sharalardy iske asyrý qaǵıdalary (budan ári - Qaǵıdalar) «Derbes derekter men olardy qorǵaý týraly» 2013 jylǵy 21 mamyrdaǵy Qazaqstan Respýblıkasynyń Zańy 26-babynyń 4) tarmaqshasyna sáıkes ázirlendi jáne menshik ıesiniń jáne (nemese) operatordyń, sondaı-aq úshinshi tulǵanyń derbes derekterdi qorǵaý jónindegi sharalardy júzege asyrý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) derbes derekterdi jınaý - derbes derekterdi alýǵa baǵyttalǵan is-áreketter;
2) derbes derekterdi qamtıtyn baza (budan ári – baza) – retke keltirilgen derbes derekterdiń jıyntyǵy;
3) derbes derekterdi qamtıtyn bazanyń menshik ıesi (budan ári – menshik ıesi) – derbes derekterdi qamtıtyn bazany Qazaqstan Respýblıkasynyń zańdaryna sáıkes ıelený, paıdalaný jáne oǵan bılik etý quqyǵyn iske asyratyn memlekettik organ, jeke jáne (nemese) zańdy tulǵa;
4) derbes derekterdi qamtıtyn bazanyń operatory (budan ári – operator) – derbes derekterdi jınaýdy, óńdeýdi jáne qorǵaýdy júzege asyratyn memlekettik organ, jeke jáne (nemese) zańdy tulǵa;
5) derbes derekterdi qorǵaý – Zańda belgilengen maqsattarda júzege asyrylatyn, onyń ishinde quqyqtyq, uıymdastyrýshylyq jáne tehnıkalyq sharalar kesheni;
6) derbes derekterdi óńdeý – derbes derekterdi jınaqtaýǵa, saqtaýǵa, ózgertýge, tolyqtyrýǵa, paıdalanýǵa, taratýǵa, ıesizdendirýge, buǵattaýǵa jáne joıýǵa baǵyttalǵan is-áreketter;
7) derbes derekter sýbektisi (budan ári – sýbekt) – derbes derekter tıesili jeke tulǵa;
8) úshinshi tulǵa – sýbekt, menshik ıesi jáne (nemese) operator bolyp tabylmaıtyn, biraq derbes derekterdi jınaý, óńdeý jáne qorǵaý boıynsha olarmen (onymen) mán-jaılar nemese quqyq qatynastary arqyly baılanysty bolatyn tulǵa.
2. Menshik ıesiniń jáne (nemese) operatordyń, sondaı-aq úshinshi tulǵanyń derbes derekterdi qorǵaý jónindegi sharalardy júzege asyrý tártibi
3. Menshik ıesi jáne (nemese) operator, sondaı-aq úshinshi tulǵalar memleket kepildik beretin derbes derekterdi qorǵaýdy qamtamasyz etedi jáne:
1) derbes derekterge ruqsatsyz qol jetkizýdi bolǵyzbaýdy;
2) eger derbes derekterge ruqsatsyz qol jetkizý eńserilmegen bolsa, derbes derekterge múndaı ruqsatsyz qol jetkizý faktilerin ýaqtyly aıqyndaý;
3) derbes derekterge ruqsatsyz qol jetkizýdiń qolaısyz saldaryn barynsha azaıtýdy qamtamasyz etetin derbes derekterdi qorǵaý jónindegi qajetti sharalardy qabyldaıdy.
Menshik ıesiniń jáne (nemese) operatordyń, sondaı-aq úshinshi tulǵanyń derbes derekterdi qorǵaý jónindegi mindetteri derbes derekterdi jınaǵan kezden bastap týyndaıdy jáne olar joıylǵan ne ıesizdendirilgen kezde deıin kúshinde bolady.
4. Derbes derekterdi jınaý jáne óńdeý olarǵa qorǵaýdy qamtamasyz etý jaǵdaıynda ǵana júzege asyrylady.
5. Derbes derekterdi qorǵaý:
1) jeke ómirge qolsuǵylmaýshylyq, jeke jáne otbasy qupııasy quqyqtaryn iske asyrý;
2) olardyń tutastyǵyn jáne saqtalýyn qamtamasyz etý;
3) olardyń qupııalylyǵyn saqtaý;
4) olarǵa qol jetkizý quqyǵyn iske asyrý;
5) olardy zańsyz jınaýdy jáne óńdeýdi bolǵyzbaý maqsatynda sharalar keshenin, onyń ishinde kuqyqtyq, uıymdastyrýshylyq jáne tehnıkalyq sharalar keshenin qoldaný arqyly júzege asyrylady.
6. Derbes derekterdi qamtıtyn elektrondyq aqparattyq resýrstardy qorǵaý erekshelikteri Qazaqstan Respýblıkasynyń aqparattandyrý týraly zańnamasyna sáıkes belgilenedi.
7. Derbes derekterdi jınaý jáne óńdeý kezinde olardy qorǵaýdy qamtamasyz etý úshin derbes derekterdi ózge aqparattan, atap aıtqanda, olardy tasymaldaǵyshtarda belgileý arqyly oqshaýlaý qajet.
8. Derbes derekterdi jınaý jáne óńdeý kezinde olardy saqtaý oryndaryn (tasymaldaǵyshtardy) aıqyndaý jáne derbes derekterdi jınaýdy jáne óńdeýdi júzege asyratyn ne olarǵa qol jetkize alatyn adamdardyń tizbesin belgileý qajet.
9. Tasymaldaǵyshtardy saqtaý kezinde derbes derekterdiń saqtalýyn qamtamasyz etetin jáne olarǵa ruqsatsyz qol jetkizýdi bolǵyzbaıtyn jaǵdaılar saqtalýǵa tıis. Osyndaı jaǵdaılardy qamtamasyz etý úshin qajetti sharalardy, sondaı-aq kórsetilgen sharalardy júzege asyrýǵa jaýapty adamdardyń tizbesin menshik ıesi jáne (nemese) operator, sondaı-aq úshinshi tulǵa belgileıdi.
