Hımııalyq qarýǵa tıym salý uıymy Sırııanyń hımııalyq qarý qoldanýǵa paıdalanǵan zattaryn joıýdy jeke kompanııalarǵa usynbaq. Bul týraly Lenta.ru habarlady.
Hımııalyq qarýǵa tıym salý uıymy Reseı, Túrkııa, Iordanııa, Norvegııa, Albanııa, Fransııa men Belgııanyń Sırııadaǵy hımııalyq zattardy joıýdan bas tartýyna oraı osyndaı áreketke barýǵa májbúr bolyp otyr. Jeke kompanııalarǵa qaýipsiz dep tabylǵan 800 tonnaǵa jýyq hımıkat joıý tapsyrylady. Al eń ýly zattardy joıýmen AQSh áskerıleri aınalysady. Boljam boıynsha, AQSh hımıkattardy arnaıy kememen ashyq teńizge shyǵaryp joıady.
Sırııanyń áskerı qoımalarynda ýlaǵysh zattar bar ekeni burynnan belgili. Hımııalyq qarýǵa tıym salý jónindegi konvensııaǵa qol qoımaǵan Damask muny asa jasyrmaǵan da edi. Sırııa áskerı qoımalarynda naqty qandaı hımııalyq qarýlardyń bar ekeni jónindegi aqparlar barlaý derekterine súıenip jasalatyn. Sırııada soǵys bastalǵannan bir jyldan keıin úkimet kúshterimen kúresken oppozısııalyq qurylymdarmen qatar, AQSh áskeri de hımııalyq qarýlar bar qoımalardy basyp alýǵa áreket etken.
Aıdar О́risbaev.
Derekkóz: Lenta.ru
