2013 jylǵy 4 qyrkúek, Astana, Úkimet Úıi
«Zeınetaqy tóleý jónindegi memlekettik ortalyq» respýblıkalyq memlekettik qazynalyq kásipornyn qurý týraly» Qazaqstan Respýblıkasy Úkimetiniń 1997 jylǵy 4 maýsymdaǵy №926 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi:
1. «Zeınetaqy tóleý jónindegi memlekettik ortalyq» respýblıkalyq memlekettik qazynalyq kásipornyn qurý týraly» Qazaqstan Respýblıkasy Úkimetiniń 1997 jylǵy 4 maýsymdaǵy № 926 qaýlysyna (Qazaqstan Respýblıkasynyń PÚAJ-y, 1997 j., № 24, 217-qujat) mynadaı ózgeris engizilsin:
3-tarmaq mynadaı redaksııada jazylsyn:
«3. Memlekettik monopolııaǵa jatqyzylǵan Kásiporyn qyzmetiniń negizgi túrleri:
1) Qazaqstan Respýblıkasynyń zańnamasyna sáıkes Kásiporynnan tólenetin zeınetaqy tólemderin, járdemaqylardy, birjolǵy jáne ózge de tólemderdi tóleýdi uıymdastyrý jáne júzege asyrý;
2) salymshylardyń (alýshylardyń) mindetti zeınetaqy jarnalary, mindetti kásiptik zeınetaqy jarnalary boıynsha derekqoryn jáne mindetti zeınetaqy jarnalary, mindetti kásiptik zeınetaqy jarnalary esebinen zeınetaqymen qamsyzdandyrý týraly shart jasasqan jeke tulǵalardyń biryńǵaı tizimin qalyptastyrý;
3) salymshynyń zeınetaqy tólemderine quqyq alý kezinde naqty engizgen boljamdy ınflıasııa deńgeıin eskere otyryp, mindetti zeınetaqy jarnalarynyń, mindetti kásiptik zeınetaqy jarnalarynyń mólsherin kelesi qarjy jylyna aıqyndaý;
4) mindetti zeınetaqy jarnalaryn, mindetti kásiptik zeınetaqy jarnalaryn jáne (nemese) ósimpulyn derbestendirilgen esepke alý;
5) mindetti zeınetaqy jarnalaryn, mindetti kásiptik zeınetaqy jarnalaryn jáne (nemese) ósimpuldy agentterden biryńǵaı jınaqtaýshy zeınetaqy qorlaryna aýdarý;
6) jeke sáıkestendirý nómiri jáne (nemese) zeınetaqymen qamsyzdandyrý týraly sharty joq jáne (nemese) derektemelerinde qateler jiberilgen tulǵalardyń mindetti zeınetaqy jarnalaryn, mindetti kásiptik zeınetaqy jarnalaryn agentke qaıtarý;
7) mindetti zeınetaqy jarnalaryn, mindetti kásiptik zeınetaqy jarnalaryn jáne (nemese) biryńǵaı jınaqtaýshy zeınetaqy qorynan ósimpuldy onyń ótinishi boıynsha agentke qaıtarý;
8) agentterdiń Kásiporyn shotyna aýdarylǵan jáne Ortalyqtan agentke qaıtarylǵan mindetti zeınetaqy jarnalarynyń, mindetti kásiptik zeınetaqy jarnalarynyń somalary jáne (nemese) solardyń ósimpuldary boıynsha tólem qujattarynyń tizilimderin qalyptastyrý jáne olary salyqtardyń jáne bıýdjetke tólenetin basqa da mindetti tólemderdiń túsýin qamtamasyz etý salasyndaǵy basshylyqty júzege asyratyn ýákiletti organǵa usyný;
9) Kásiporynnan tólenetin zeınetaqy tólemderin taǵaıyndaıtyn organnyń tólemderdi taǵaıyndaýy úshin zeınetaqy tólemderin, járdemaqylardy, birjolǵy jáne ózge de tólemderdi alýshylar isteriniń maketin qalyptastyrý;
10) Kásiporynnan tólenetin zeınetaqy tólemderin, járdemaqylardy, birjolǵy jáne ózge de tólemderdi alýshylardyń avtomattandyrylǵan ortalyqtandyrylǵan derekqoryn qalyptastyrý jáne olardy derbestendirilgen esepke alý;
11) zeınetaqy jarnalaryn jáne (nemese) olar boıynsha esimpuldardy esepke alý, aýdarý, qaıtarý máseleleri boıynsha agenttermen, biryńǵaı jınaqtaýshy zeınetaqy qorymen ózara is-qımyl jasaý;
12) ortalyq atqarýshy organnyń biryńǵaı aqparattyq júıesiniń jumysqa qabilettiligin qamtamasyz etý jónindegi is-sharalardy uıymdastyrý;
13) Qazaqstan Respýblıkasynyń zańdarynda belgilengen qyzmettik, kommersııalyq, banktik jáne zańmen qorǵalatyn ózge de qupııany quraıtyn málimetterdi jarııalaýǵa qoıylatyn talaptardy saqtaı otyryp, Kásiporynnyń avtomattandyrylǵan, ortalyqtandyrylǵan derekqoryn paıdalanýshy bolyp tabylatyn ortalyq atqarýshy jáne jergilikti atqarýshy organdardyń qurylymdyq bólimsheleri qyzmetkerleriniń qoljetimdiligin uıymdastyrý;
14) Qazaqstan Respýblıkasy zańnamasynyń zeınetaqy jınaqtarynyń qupııalylyǵyn saqtaýdy qamtamasyz etý jónindegi talaptaryn eskere otyryp, jeke jáne zańdy tulǵalarǵa Kásiporynnyń qyzmet túrleri boıynsha aqparattyq qyzmetter usyný;
15) mindetti áleýmettik saqtandyrý júıesine qatysýshylardyń mindetti áleýmettik aýdarymdary men áleýmettik tólemderin derbestendirilgen esepke alý jáne olardyń ortalyqtandyrylǵan derekqoryn qalyptastyrý;
16) Memlekettik áleýmettik saqtandyrý qorynyń qarajatynan áleýmettik tólemderdi uıymdastyrý;
17) qujattardy qabyldaý, Memlekettik áleýmettik saqtandyrý qorynan áleýmettik tólemder taǵaıyndaýǵa, qaıta esepteýge arnalǵan ister maketterin qalyptastyrý máseleleri boıynsha áleýmettik tólemderdi taǵaıyndaý jónindegi ýákiletti organmen ózara is-qımyl jasaý;
18) áleýmettik aýdarymdar men áleýmettik tólemderdiń jaı-kúıi men qozǵalysy týraly aqparattyń qupııalylyǵyn qamtamasyz etý jónindegi Qazaqstan Respýblıkasy zańnamasynyń talaptaryn eskere otyryp, Kásiporyn qyzmetiniń túrlerine sáıkes mindetti áleýmettik saqtandyrý júıesine qatysýshylarǵa aqparattyq qyzmetter usyný;
19) tóleýshilerden túsken mindetti áleýmettik aýdarymdardy Memlekettik áleýmettik saqtandyrý qoryna aýdarýdy, artyq (qate) tólengen áleýmettik aýdarymdar somalaryn jáne olar boıynsha ósimpuldy tóleýshilerge qaıtarýdy júzege asyrý;
20) áleýmettik tólemderden ustalǵan mindetti zeınetaqy jarnalaryn uıymdastyrý jáne biryńǵaı jınaqtaýshy zeınetaqy qoryna áleýmettik tólemderdi júzege asyrý aıynan keıingi aıdyń 15-kúninen keshiktirmeı aýdarý;
21) salyqtardyń jáne bıýdjetke tólenetin basqa da mindetti tólemderdiń túsýin qamtamasyz etý salasyndaǵy basshylyqty júzege asyratyn ýákiletti organǵa tóleýshilerden túsken jáne qaıtarylǵan áleýmettik aýdarymdardsh tizilimderin usyný;
22) Qazaqstan Respýblıkasynyń zańdarynda kózdelgen ózge de qyzmet túrleri bolyp aıqyndalsyn.».
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
