2013 jylǵy 5 qyrkúıek, Astana, Úkimet Úıi
Qaıtyp oralýǵa arnalǵan kýálikti resimdeý, berý, aýystyrý, tapsyrý, alyp qoıý jáne joıý qaǵıdalaryn jáne qaıtyp oralýǵa arnalǵan kýáliktiń úlgisi men ony qorǵaýǵa qoıylatyn talaptardy bekitý týraly
«Jeke basty kýálandyratyn qujattar týraly» 2013 jylǵy 29 qańtardaǵy Qazaqstan Respýblıkasy Zańynyń 25-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan:
1) Qaıtyp oralýǵa arnalǵan kýálikti resimdeý, berý, aýystyrý, tapsyrý, alyp qoıý jáne joıý qaǵıdalary;
2) qaıtyp oralýǵa arnalǵan kýáliktiń úlgisi men ony qorǵaýǵa qoıylatyn talaptar bekitilsin.
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri S.Ahmetov.
Qazaqstan Respýblıkasy Úkimetiniń 2013 jylǵy 5 qyrkúıektegi №926 qaýlysymen bekitilgen
Qaıtyp oralýǵa arnalǵan kýálikti resimdeý, berý,
aýystyrý, tapsyrý, alyp qoıý jáne joıý qaǵıdalary
1. Osy Qaıtyp oralýǵa arnalǵan kýálikti resimdeý, berý, aýystyrý, tapsyrý, alyp qoıý jáne joıý qaǵıdalary (budan ári – Qaǵıdalar) «Jeke basty kýálandyratyn qujattar týraly» 2013 jylǵy 29 qańtardaǵy Qazaqstan Respýblıkasynyń Zańyna (budan ári – Zań) sáıkes ázirlendi jáne qaıtyp oralýǵa arnalǵan kýálikti resimdeý, berý, aýystyrý, tapsyrý, alyp qoıý jáne joıý tártibin aıqyndaıdy.
2. Qaıtyp oralýǵa arnalǵan kýálik – ıesiniń jeke basyn kýálandyratyn jáne Qazaqstan Respýblıkasyna bir rettik kelý quqyǵyn rastaıtyn qujat.
3. Qaıtyp oralýǵa arnalǵan kýálikti Qazaqstan Respýblıkasynyń shetelderdegi mekemeleri (budan ári – shetelderdegi mekemeler):
1) Qazaqstan Respýblıkasynyń azamattaryna – olar Qazaqstan Respýblıkasynan tys jerlerde bolǵan ýaqytta Qazaqstan Respýblıkasy azamatynyń pasportyn, Qazaqstan Respýblıkasy azamatynyń jeke kýáligin, Qazaqstan Respýblıkasynyń halyqaralyq sharttarynda jáne kelisimderinde kózdelgen jaǵdaılarda, Qazaqstan Respýblıkasynyń qyzmettik nemese dıplomatııalyq pasportyn joǵaltqan ne olardyń qoldanylý merzimi ótken jaǵdaıda;
2) Qazaqstan Respýblıkasynyń kámeletke tolmaǵan azamattaryna – olar Qazaqstan Respýblıkasynan tys jerlerde týǵan jaǵdaıda;
3) Qazaqstan Respýblıkasynda turaqty turatyn azamattyǵy joq adamdarǵa – olar Qazaqstan Respýblıkasynan tys jerlerde bolǵan ýaqytta azamattyǵy joq adamnyń kýáligin joǵaltqan jaǵdaıda;
4) Qazaqstan Respýblıkasynda bosqyndar dep tanylǵan adamdarǵa – olar Qazaqstan Respýblıkasynan tys jerlerde bolǵan ýaqytta jol júrý qujatyn joǵaltqan jaǵdaıda;
5) Qazaqstan Respýblıkasynyń azamattaryna jáne Qazaqstan Respýblıkasynda turaqty turatyn, Qazaqstan Respýblıkasyna kelý úshin jaramsyz qujattary bar azamattyǵy joq adamdarǵa – olar Qazaqstan Respýblıkasyna shyǵaryp jiberilgen, Qazaqstan Respýblıkasyna berilgen jaǵdaıda resimdeıdi.
4. Qaıtyp oralýǵa arnalǵan kýálikti alý úshin shetelderdegi mekemelerge:
1) erkin nysandaǵy ótinish nemese shet memlekettiń quzyretti organynyń qoldaýhaty (Qazaqstan Respýblıkasynyń azamaty, Qazaqstan Respýblıkasynda turaqty turatyn azamattyǵy joq adam Qazaqstan Respýblıkasyna shyǵaryp jiberilgen nemese Qazaqstan Respýblıkasyna berilgen jaǵdaıda);
2) jeke basyn kýálandyratyn qujatty joǵaltqany týraly ótinish berý faktisin rastaıtyn shet memlekettiń quzyretti organy bergen qujat;
3) ólshemi 3h4 sm túrli-tústi eki fotosýret;
4) konsýldyq alymnyń tólengenin rastaıtyn qujattyń túpnusqasy;
5) jeke basyn kýálandyratyn qujattardyń (bolǵan kezde) biriniń túpnusqasy, al ol bolmaǵan jaǵdaıda osy Qaǵıdalarǵa qosymshaǵa sáıkes toltyrylǵan saýalnama-ótinish;
6) jynysynyń ózgerý faktisin rastaıtyn shet memlekettiń medısınalyq mekemesi bergen tıisti qujat tapsyrylady.
5. Qaıtyp oralýǵa arnalǵan kýálik 1 jyl qoldaný merzimine resimdeledi.
6. Qaıtyp oralýǵa arnalǵan kýálik:
1) Qazaqstan Respýblıkasynyń azamattyǵyn;
2) Qazaqstan Respýblıkasynda turaqty tirkelýin;
3) Qazaqstan Respýblıkasyndaǵy bosqyn qoldanystaǵy mártebesin rastaý negizinde resimdeledi.
7. Jeke basty kýálandyratyn qujattardyń biriniń túpnusqasy bolǵan jaǵdaıda, qaıtyp oralýǵa arnalǵan kýálik osy Qaǵıdalardyń 6-tarmaǵynda kórsetilgen negizderdi rastaýsyz eki jumys kúni ishinde resimdeledi.
8. Jeke basty kýálandyratyn qujattardyń biriniń túpnusqasy bolmaǵan kezde sheteldegi mekeme osy Qaǵıdalardyń 6-tarmaǵynda kórsetilgen negizderdi rastaý úshin qujattardy alǵan kúnnen bastap úsh jumys kúni ishinde Qazaqstan Respýblıkasy Ishki ister mınıstrligine (budan ári – Ishki ister mınıstrligi) suraý salýdy joldaıdy jáne bir mezgilde bul týraly Qazaqstan Respýblıkasy Syrtqy ister mınıstrligin (budan ári – Syrtqy ister mınıstrligi) habardar etedi.
9. Ishki ister mınıstrligi suraý salýdy alǵan kúnnen bastap bes jumys kúninen keshiktirmeı sheteldegi mekemege jaýap joldaıdy jáne bir megilde bul týraly Syrtqy ister mınıstrligin habardar etedi.
10. Sheteldegi mekeme osy Qaǵıdalardyń 6-tarmaǵynda kórsetilgen negizderdi Ishki ister mınıstrligi rastaǵan kúnnen bastap eki jumys kúninen keshiktirmeı qaıtyp oralýǵa arnalǵan kýálikti resimdeıdi jáne beredi.
11. Qaıtyp oralýǵa arnalǵan kýálikke:
1) shet memlekettiń vızalar berýge ýákiletti quzyretti organy – vızalar týraly;
2) shekara qyzmeti organy, shet memlekettiń shekaralyq baqylaýdy júzege asyratyn quzyretti organy – Qazaqstan Respýblıkasynyń Memlekettik shekarasynan jáne basqa memleketterdiń memlekettik shekaralarynan ótý týraly;
3) tıisti belgini engizgen organ – buryn engizilgen belgilerdi joıý týraly belgiler engizedi.
12. Qaıtyp oralýǵa arnalǵan kýálikti resimdeýden:
1) osy Qaǵıdalardyń 6-tarmaǵynda kórsetilgen negizder rastalmaǵan;
2) osy Qaǵıdalardyń 4-tarmaǵynda kórsetilgen qujattar paketi tolyq usynylmaǵan;
3) qujattardy tapsyrý kezinde tolyq emes jáne/nemese dáıeksiz málimetter usynylǵan;
4) konsýldyq alym tólenbegen jaǵdaıda bas tartylady.
13. Berilgen qaıtyp oralýǵa arnalǵan kýálikter týraly málimetter Syrtqy ister mınıstrligi aıqyndaǵan tártippen qaıtyp oralýǵa arnalǵan kýálikterdi berý tizilimine engiziledi.
14. Qaıtyp oralýǵa arnalǵan kýálik mynadaı:
1) Zańnyń 7-baby 1-tarmaǵynyń 1), 2), 5), 6), 7) jáne 8) tarmaqshalarynda kórsetilgen derekter bolmaǵan;
2) onyń qoldanylý merzimi ótken;
3) Zańnyń 7-baby 1-tarmaǵynyń 1), 2), 5), 6), 7) jáne 8) tarmaqshalarynda kórsetilgen derekterdi ne qujattyń qorǵalý dárejesin sáıkestendirý múmkin bolmaǵan;
4) ıesi ýákiletti memlekettik organǵa ótinish bergen kúnnen bastap qujat joǵalǵan;
5) ıesiniń quqyqtyq mártebesine sáıkes kelmegen;
6) jynysyn ózgertken jaǵdaılarda jaramsyz bolyp tabylady jáne aýystyrylýǵa ári sheteldegi mekemege tapsyrylýǵa tıis.
15. Qaıtyp oralýǵa arnalǵan kýálikti aýystyrý osy Qaǵıdalarda qaıtyp oralýǵa arnalǵan kýálikti resimdeý úshin kózdelgen jalpy negizderde júzege asyrylady.
16. Qaıtyp oralýǵa arnalǵan kýálik Qazaqstan Respýblıkasyna kelgen soń, turaqty turǵylyqty jeri boıynsha Qazaqstan Respýblıkasynyń ishki ister organdaryna tapsyrylady jáne joǵalǵan jeke basty kýálandyratyn qujattardy qalpyna keltirý materıaldaryna qosylady.
Qazaqstan Respýblıkasynyń qyzmettik pasporty nemese dıplomatııalyq pasporty joǵalǵan nemese qoldanylý merzimi ótken kezde berilgen qaıtyp oralýǵa arnalǵan kýálik Qazaqstan Respýblıkasyna kelgen soń Syrtqy ister mınıstrligine tapsyrylýǵa tıis.
17. Osy Qaǵadılardyń 6-tarmaǵynda kózdelgen negizderdiń bolmaýy faktisi anyqtalǵan jaǵdaılarda sheteldegi mekeme bul týraly Qazaqstan Respýblıkasynyń ulttyq qaýipsizdik organdaryna jáne Qazaqstan Respýblıkasynyń ishki ister organdaryna habarlaý arqyly buryn berilgen qaıtyp oralýǵa arnalǵan kýálikti alyp qoıý sharalaryn qabyldaıdy.
Qaıtyp oralýǵa arnalǵan kýálikti keıinnen alyp qoıýdy aldyn ala tergeý, anyqtaý organdarynyń laýazymdy adamdary, sondaı-aq ákimshilik is júrgizý jáne azamattyqty joǵaltýdy resimdeý barysynda laýazymdy adamdar júrgizedi.
18. Qaıtyp oralýǵa arnalǵan kýálikti saqtaý jáne joıý Qazaqstan Respýblıkasynyń ulttyq qor jáne muraǵattar týraly zańnamasyna sáıkes júzege asyrylady.
Qaıtyp oralýǵa arnalǵan kýálikti resimdeý, berý, aýystyrý, tapsyrý,
alyp qoıý jáne joıý qaǵıdalaryna qosymsha
SAÝALNAMA – О́TINISh
Qazaqstan Respýblıkasynyń azamattyǵyna tıesiligimdi /
Qazaqstan Respýblıkasynda turaqty turatyndyǵymdy anyqtap berýdi suraımyn
(kerektisin syzyńyz)
SURAQTAR JAÝAPTAR
1. Tegi, aty, ákesiniń aty
2. Buryn bolǵan atyńyzdy, tegińizdi jáne ákeńizdiń atyn, olardy qashan, qaıda jáne qandaı sebep boıynsha ózgertkendigińizdi atap shyǵyńyz
3. Týǵan kúni, aıy, jyly jáne týǵan jeri
4. Ulty
5. Azamattyǵy
6. Otbasylyq jaǵdaıy
7. Qazaqstan Respýblıkasyndaǵy turǵylyqty mekenjaıy
8. Shetelge keter aldyndaǵy tikeleı turǵylyqty mekenjaıy
9. Sońǵy jumys, oqý orny
10. Bilimi jáne bilimi boıynsha mamandyǵy (qaıda, qashan jáne qandaı oqý ornyn bitirdińiz)
11. Eger buryn basqa memlekettiń azamattyǵynda bolsańyz, qaıda, qashan jáne qandaı negizde Qazaqstan Respýblıkasynyń azamattyǵyn alǵanyńyzdy tolyq kórsetińiz
12. Sot tártibinde qylmystyq, ákimshilik nemese azamattyq jaýapkershilikke tartyldyńyz ba (eger tartylsańyz onda qashan, kim jáne ne úshin)
13. Shetelge shyǵýdyń maqsaty
14. Qazaqstan Respýblıkasynan shyqqan kúni jáne Qazaqstan Respýblıkasyna qaıta keletin boljamdy kúni
15. Joǵalǵan jeke basty kýálandyratyn qujat týraly málimetter (túri, nómiri, berilgen kúni, jaramdylyq merzimi, qujatty bergen organ)
16. Jeke basty kýálandyratyn qujatta bolǵan jazbalar men belgiler týraly málimetter (birge bara jatqan balalar týraly jazba, turaqty túrde turý úshin shetelge shyǵýǵa ruqsat týraly jazba jáne t.b.)
17. Jeke basty kýálandyratyn basqa da qujattar týraly málimetter (bar bolǵan jaǵdaıda)
18. Sizdiń jaqyn týystaryńyz (kúıeýi/áıeli, ata-anasy, aǵalary, inileri, apalary, qaryndastary, sińlileri).
Týystyq dárejesi Aty, tegi,
ákesiniń aty Týǵan jyly jáne jeri Jumys orny, laýazymy Bolý eli, turǵylyqty mekenjaıy
19. Eńbek qyzmeti bastalǵan ýaqyttan beri atqaratyn jumystary (joǵary jáne orta oqý oryndaryndaǵy oqýdy, áskerı qyzmetti qosa alǵanda).
Aıy men jyly Mekemesi, uıymy kórsetilgen laýazymy Mekemeniń, uıymnyń ornalasqan jeri
Joǵaryda kórsetilgen málimetterdiń durystyǵyn rastaımyn.
О́tinish berýshiniń qoly ______________ 20___ j. «___» ___________
Qazaqstan Respýblıkasy Úkimetiniń 2013 jylǵy 5 qyrkúıektegi №926 qaýlysymen bekitilgen
Qaıtyp oralýǵa arnalǵan kýáliktiń úlgisi men ony qorǵaýǵa qoıylatyn talaptar
1. Qaıtyp oralýǵa arnalǵan kýáliktiń úlgisi men ony qorǵaýǵa qoıylatyn talaptarǵa qosymshaǵa sáıkes qaıtyp oralýǵa arnalǵan kýálik kólemi 285h135 mm. mólsherindegi súıir buryshty, 95 mm teń úsh birdeı bólikke búkteletin blankti bildiredi.
2. Qaıtyp oralýǵa arnalǵan kýálik blankisi (budan ári – blank) qaǵaz quramyna ÝK-sáýle astynda núkteler túrindegi túrli-tústi tústermen flýoressentteletin bólshekter; kórinetin talshyqtar; biregeı yqshamdy optıkalyq skanermen ǵana kórýge bolatyn flýoressentti polımerlik qospalar, sondaı-aq blankiniń bóligi arnaıy matematıkalyq algorıtmdi qoldana otyryp quralǵan syzyqtardan turatyn tor syzyqtar túrinde arnaıy qorǵaý qasıetteri bar qaǵazǵa baspahanalyq tásilmen basylady. Blank reńki kógildir tústi bolady. Blanktiń muqabasynan basqa betteri nómirlenedi. Nómir bettiń tómengi jaǵynda ortasyna qoıylady.
3. Blanktiń tik qalpynda muqabasy, 4-beti, 5-beti bolady.
Blanktiń kóldeneń qalpynda: 1-beti, 2-beti, 3-beti bolady.
4. Blanktiń muqabasynda:
muqabanyń buryshtarynda – kógildir tústi oıý-órnek elementteri;
muqabanyń joǵarǵy bóliginde – memlekettik jáne aǵylshyn tilderinde:
«QAZAQSTAN RESPÝBLIKASY
REPUBLIC OF KAZAKHSTAN»
degen jazý;
muqabanyń ortasynda - memlekettik jáne aǵylshyn tilderinde:
«QAITYP ORALÝǴA
ARNALǴAN KÝÁLIK
CERTIFICATE
OF RETURN»
degen jazý;
muqabanyń tómengi bóliginiń ortasynda – dóńgelek buryshtarmen qorshalǵan jıektiń ishinde blanktiń nómiri ornalasqan.
5. Blanktiń 1-betinde ıesiniń qol qoıýy úshin jol qaldyrylǵan, sondaı-aq qaıtyp oralýǵa arnalǵan kýálik ıesiniń quqyqtyq mártebesi jáne qaıtyp oralýǵa arnalǵan kýálikti bergen Qazaqstan Respýblıkasynyń sheteldegi mekemesiniń ataýy kórsetiledi.
1-bettiń joǵarǵy bóliginde memlekettik jáne aǵylshyn tilderinde qaıtyp oralýǵa arnalǵan kýálikti bergen Qazaqstan Respýblıkasynyń sheteldegi mekemesiniń ataýyn qamtıtyn jazý bar.
1-bettiń ekinshi jartysynyń birinshi shıreginde memlekettik jáne aǵylshyn tilderinde:
«Osy kýáliktiń ıesi/The holder of this certificate is»
dep jazylǵan.
1-bettiń ekinshi jartysynyń birinshi shıreginde sol jaǵynan Qazaqstan Respýblıkasynyń Memlekettik Eltańbasy beınelengen. «Qazaqstan Respýblıkasynyń Memlekettik Eltańbasy» QR ST 989-2008 Qazaqstan Respýblıkasynyń memlekettik standarttaryna sáıkes dıametri 28 mm Qazaqstan Respýblıkasynyń Memlekettik Eltańbasy altyn tústes.
1-bettiń ortasynda qaıtyp oralýǵa arnalǵan kýálik ıesiniń quqyqtyq mártebesin kórsetý úshin syzyqtarmen shektelgen jol tiginen ornalasqan.
1-bettiń ekinshi jartysynyń birinshi shıreginde oń jaǵynan memlekettik jáne aǵylshyn tilderinde:
«Qazaqstan azamaty
The citizen of Kazakhstan»
«Azamattyǵy joq tulǵa
The stateless person»
«Bosqyn mártebesine ıe
The refugee»
degen sózder tiginen jazylǵan.
Blanktiń 1-betiniń tómengi bóliginde syzyqtarmen shektelgen, ıesiniń qol qoıýy úshin qaldyrylǵan jol ornalasqan jáne blanktiń qıǵash syzyqtarynyń syný buryshy arqyly jasalǵan, kógildir boıaýmen oryndalǵan oıý-órnek bar.
6. 2-bet qaıtyp oralýǵa arnalǵan kýálik ıesiniń fotosýretin, jeke derekterin ornalastyrýǵa, Qazaqstan Respýblıkasynyń sheteldegi mekemesiniń laýazymdy adamynyń qol qoıýyna jáne mór basýyna arnalǵan.
2-bettiń joǵarǵy jáne tómengi bólikterinde blanktiń qıǵash syzyqtarynyń syný buryshy arqyly jasalǵan, kógildir boıaýmen oryndalǵan oıý-órnek bar.
2-bettiń sol jaq bóliginde mólsheri 35h 45 mm bolatyn fotosýretke arnalǵan jol bolady.
2-bettiń ortańǵy bóliginde memlekettik jáne aǵylshyn tilderinde:
«Tegi/Surname
«Berilgen kúni/Date of issue»
«Aty/Given name»
«Qoldanylý merzimi/Date of expiry»
«Týǵan kúni/Date of birth»
«Týǵan jeri/Place of birth»
«Jynysy/Sex»
degen sózder kóldeneńinen jazylǵan.
2-bettiń sol jaǵynyń tómengi buryshynda qaıtyp oralýǵa aralǵan kýálikti bergen Qazaqstan Respýblıkasynyń sheteldegi mekemesiniń móri qoıylatyn oryn bar.
2-bettiń oń jaǵynyń tómengi buryshynda qaıtyp oralýǵa arnalǵan kýálikti bergen Qazaqstan Respýblıkasynyń sheteldegi mekemesiniń laýazymdy adamynyń qoly qoıylatyn oryn bar.
2-bettiń birinshi shıreginiń ekinshi jartysynda kózge kórinbeıtin, bir birinen birdeı qashyqtyqta ornalasqan, kún astyndaǵy búrkit keıpindegi 4 (tórt) memlekettik sımvolıka beınelengen. Sımvolıka beınesi ýltrakúlgin sáýle astynda kórinetin kishigirim mátinnen quralǵan.
7. Blanktiń 3-beti «Jeke basty kýálandyratyn qujattar týraly» 2013 jylǵy 29 qańtardaǵy Qazaqstan Respýblıkasy Zańynyń 17-babynda kórsetilgen arnaıy belgilerdi engizýge arnalǵan.
3-bettiń sol jaǵynyń joǵarǵy buryshynda «Qazaqstan Respýblıkasynyń Memlekettik Eltańbasy» QR ST 989-2008 Qazaqstan Respýblıkasynyń memlekettik standarttaryna sáıkes dıametri 13 mm Qazaqstan Respýblıkasynyń Memlekettik Eltańbasy beınelengen.
3-bettiń joǵarǵy jaǵynyń ortasynda memlekettik jáne aǵylshyn tilderinde:
«Arnaıy belgiler úshin/For special marks»
degen jazý ornalasqan.
3-bettiń orta bóliginde Qazaqstan Respýblıkasy aýmaǵynyń beınesi ornalasqan, ol kógildir tústi jáne blanktiń qıǵash syzyqtarynyń syný buryshy arqyly jasalǵan.
Aýmaq beınesiniń ortasynda ishki jaǵynan aǵylshyn tilinde:
«KAZAKHSTAN»
degen jazý ornalasqan.
8. Blanktiń 4-beti vızalar japsyrýǵa arnalǵan.
Bettiń joǵarǵy jaǵynda memlekettik jáne aǵylshyn tilderinde:
«Vızalar/Visas»
degen jazýlar bar.
9. 5-bettiń buryshtarynda kógildir tústi oıý-órnek elementteri ornalasqan.
5-bettiń ortasynda memlekettik jáne aǵylshyn tilderinde:
«Osy kýálik onyń ıesine Qazaqstan Respýblıkasyna
bir rettik qaıtý úshin beriledi.
Qazaqstan Respýblıkasynyń Úkimeti
shet memleketterdiń barlyq múddeli organdaryn osy
Qaıtyp oralýǵa arnalǵan
kýálik ıesin Qazaqstan Respýblıkasyna
qaıtý úshin qajetti kómekpen
qamtamasyz etýdi suraıdy
To holder of this Certificate provides
single entry to the Republic of Kazakhstan.
The Government of the Republic of Kazakhstan
request all concerned authorities of the foreign states
to provide necessary assistance to the holder of this Certificate
for return to the Republic of Kazakhstan»
degen jazýlar ornalasqan.
Memlekettik jáne aǵylshyn tilderindegi jazbalar olardyń arasynda kóldeneń ornalasqan arnaıy kógildir tústi oıý-órnekpen bólingen.
10. Árbir blankte jazbalardyń saqtalýyn arttyrý nemese blankti jáne ondaǵy jazýlardy jalǵan qujat jasaýdan saqtaý úshin arnaıy ázirlengen elementter qoldanylǵan.
Qaıtyp oralýǵa arnalǵan kýáliktiń úlgisi men ony qorǵaýǵa qoıylatyn talaptarǵa
qosymsha
