2013 jylǵy 26 qyrkúıek, Astana qalasy
Aldyn ala bolý qorytyndylary boıynsha jyl saıynǵy jınaqtalǵan baıandamany daıyndaý qaǵıdalaryn bekitý týraly
Qazaqstan Respýblıkasynyń Qylmystyq-atqarý kodeksiniń 21-2-baby, «Halyqtyń densaýlyǵy jáne densaýlyq saqtaý júıesi týraly» Qazaqstan Respýblıkasy kodeksiniń 184-2-baby, «Alkogolızmge, nashaqorlyq pen ýytqumarlyq dertine shaldyqqan aýrýlardy eriksiz emdeý týraly» Qazaqstan Respýblıkasy Zańynyń 10-2-baby, «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» Qazaqstan Respýblıkasy Zańynyń 46-11-baby, «Qazaqstan Respýblıkasyndaǵy balanyń quqyqtary týraly» Qazaqstan Respýblıkasy Zańynyń 47-2-baby, «Kámeletke tolmaǵandar arasyndaǵy quqyq buzýshylyqtardyń profılaktıkasy men balalardyń qadaǵalaýsyz jáne panasyz qalýynyń aldyn alý týraly» Qazaqstan Respýblıkasy Zańynyń 27-babyn iske asyrý maqsatynda:
1. Qosa berilgen Aldyn ala bolý qorytyndylary boıynsha jyl saıynǵy jınaqtalǵan baıandamany daıyndaý qaǵıdalary bekitilsin.
2. Osy ókim onyń birinshi ret resmı jarııalanǵan kúninen bastap on kúntizbelik kún ótkende qoldanysqa enedi.
A.ShÁKIROV.
Adam quqyqtary jónindegi ýákildiń 2013 jylǵy 26 qyrkúıektegi №22 ókimimen bekitilgen
Aldyn ala bolý qorytyndylary boıynsha
jyl saıynǵy jınaqtalǵan baıandamany daıyndaý qaǵıdalary
1. Jalpy erejeler
1. Osy Aldyn ala bolý qorytyndylary boıynsha jyl saıynǵy jınaqtalǵan baıandamany daıyndaý qaǵıdalary (budan ári - Qaǵıdalar) ulttyq aldyn alý tetigi qatysýshylarynyń jyl saıynǵy jınaqtalǵan baıandamasyn (budan ári - Baıandama) daıyndaý tártibin retteıdi.
2. Baıandamany Adam quqyqtary jónindegi ýákil janyndaǵy Úılestirý keńesi ulttyq aldyn alý tetiginiń qatysýshylary aldyn ala bolý, sondaı-aq ulttyq aldyn alý tetigi aıasynda júrgizilgen ózge de is-sharalardyń nátıjeleri boıynsha oǵan usynylǵan esepteri negizinde daıyndaıdy.
Baıandamanyń qurylymy osy Qaǵıdalarǵa berilgen qosymshada kórsetilgen.
3. Baıandamaǵa aldyn ala bolýǵa jatatyn mekemelerde ustalatyn tulǵalarǵa qatysty qaraý jaǵdaılaryn jaqsartý, azaptaýlardy jáne basqa da qatygez, adamgershilikke jatpaıtyn nemese ar-namysty qorlaıtyn is-áreketter men jazalaý túrlerin boldyrmaý boıynsha ýákiletti memlekettik organdarǵa usynymdar, Qazaqstan Respýblıkasynyń zańnamasyn jetildirý boıynsha usynystar kiredi.
4. Adam quqyqtary jónindegi ýákil Úılestirý keńesi músheleriniń arasynan Baıandamany daıyndaýdy úılestirýge jaýapty tulǵany taǵaıyndaıdy.
5. Baıandamany daıyndaýǵa jaýapty tulǵa Baıandamany daıyndaý jóninde is-sharalar josparyn ázirleıdi jáne Adam quqyqtary jónindegi ýákilge bekitýge usynady, onda Úılestirý keńesiniń Baıandama bólikterin daıyndaýǵa jaýapty múshelerin bekitý, sondaı-aq Baıandamany jáne onyń bólikterin qurý merzimderi kórsetiledi.
6. Baıandamany daıyndaýǵa jaýapty tulǵa Úılestirý keńesiniń múshelerinen jáne ulttyq aldyn alý tetiginiń qatysýshylarynan Baıandamany qurý úshin qajetti aqparatty suratady.
7. Úılestirý keńesiniń músheleri Baıandamaǵa aqparat pen materıaldardy qosý jónindegi usynystardy Úılestirý keńesiniń qaraýyna engizedi.
8. Baıandamany daıyndaý merzimi Baıandamany daıyndaý josparyna sáıkes aıqyndalady.
9. Baıandama Úılestirý keńesiniń músheleri ashyq daýys berý jolymen Úılestirý keńesi músheleriniń jalpy sanynyń kópshilik daýsymen bekitiledi.
10. Bekitilgen baıandama ýákiletti memlekettik organdarǵa qaraý úshin jiberiledi jáne Adam quqyqtary jónindegi ýákildiń ınternet-resýrsyna onyń bekitilýi kúninen bastap bir aı merzimnen keshiktirilmeı ornalastyrylady.
11. Baıandamaǵa ótken jylǵy aldyn ala bolý jónindegi qarjylyq esep qosa beriledi. Qarjylyq esep qujattarynyń túpnusqalary bıýdjettik baǵdarlama ákimshiligine jiberiledi.
Aldyn ala bolý qorytyndylary boıynsha jyl saıynǵy jınaqtalǵan baıandamany daıyndaý qaǵıdalaryna qosymsha
Jyl saıynǵy jınaqtalǵan baıandamanyń qurylymy
1.Azaptaýlarǵa jáne basqa da qatygez, adamgershilikke jatpaıtyn nemese ar-namysty qorlaıtyn is-áreketter men jazalaý túrlerine qarsy konvensııasyna Fakýltatıvtik hattamaǵa sáıkes qyzmet
1.1. Azaptaýlarǵa jáne basqa da qatygez, adamgershilikke jatpaıtyn nemese ar-namysty qorlaıtyn is-áreketter men jazalaý túrlerine qarsy konvensııasyna Fakýltatıvtik hattama.
1.2. Azaptaýlardy jáne basqa da qatygez, adamgershilikke jatpaıtyn nemese ar-namysty qorlaıtyn is-áreketter men jazalaý túrlerin boldyrmaý máselesi boıynsha Qazaqstan Respýblıkasynyń zańnamasy.
1.3. Konsýltatıvtik keńestiń, Ulttyq aldyn alý tetigi músheleriniń ókilettikteri.
1.4. Ulttyq aldyn alý tetigin qarjylandyrý.
1.5. Ulttyq aldyn alý tetiginiń qyzmetine qoǵamdyq birlestikterdiń qatysýy.
1.6. Azaptaýlarǵa jáne basqa da qatygez, adamgershilikke jatpaıtyn nemese ar-namysty qorlaıtyn is-áreketter men jazalaý túrlerine qarsy konvensııasyna Fakýltatıvtik hattamasynanyń talaptaryna sáıkes qamaýda ustaý oryndarynda aldyn ala bolý.
2. Ishki ister mınıstrligine vedomstvolyq baǵynystaǵy mekemelerde ustalatyn tulǵalardyń jaǵdaıy
2.1. Jalpy erejeler
2.2. Jaǵdaıdy baǵalaý
2.3. Qorytyndylar men usynymdar
3. Ulttyq qaýipsizdik komıtetine vedomstvolyq baǵynystaǵy mekemelerde ustalatyn tulǵalardyń jaǵdaıy
3.1. Jalpy erejeler
3.2. Jaǵdaıdy baǵalaý
3.3. Qorytyndylar men usynymdar
4. Qorǵanys mınıstrligine vedomstvolyq baǵynystaǵy mekemelerde ustalatyn tulǵalardyń jaǵdaıy
4.1. Jalpy erejeler
4.2. Jaǵdaıdy baǵalaý
4.3. Qorytyndylar men usynymdar
5. Densaýlyq saqtaý mınıstrligine vedomstvolyq baǵynystaǵy mekemelerde ustalatyn tulǵalardyń jaǵdaıy
5.1. Jalpy erejeler
5.2. Jaǵdaıdy baǵalaý
5.3. Qorytyndylar men usynymdar
6. Bilim jáne ǵylym mınıstrligine vedomstvolyq baǵynystaǵy mekemelerde ustalatyn tulǵalardyń jaǵdaıy
6.1. Jalpy erejeler
6.2. Jaǵdaıdy baǵalaý
6.3. Qorytyndylar men usynymdar
7. Qorytyndy
7.1. Qorytyndylar
7.2. Usynymdar
Buıryq Qazaqstan Respýblıkasynyń Ádilet mınıstrliginde 2013 jylǵy 8 qarashada Normatıvtik quqyqtyq kesimderdi memlekettik tirkeýdiń tizilimine №8894 bolyp engizildi.
