Taıaýda malyn urlatyp, ókinishi ózegin órttegen jeti birdeı shaǵym túsipti. Abyroı bolǵanda, polısııa qyzmetkerleriniń jedel is-qımylynyń arqasynda joǵalǵan mal tabylyp, ıelerine qaıtaryldy. Onda da ýaqytynda habar bergenderiniń arqasynda. Al jaıylymdaǵy maldyń jaıy bólek. Úıir ishindegi jylqyny túgendeý qıyn. Tabylyp qalar degen úmitpen jylqyshylar quryq súıretip birer kún ózderi izdeıdi. Mańaıdaǵy jylqy baqqan qaýymnan surastyrady. Oǵan sheıin iz basylady. Byltyr dál osyndaı 32 derek tirkelgen. Qazir mal urlyǵynyń aldyn alýǵa baǵyttalǵan keshendi shara júrgizilip jatyr.
–Jýyrda Krasnoıar eldi mekeninen jaıylymdaǵy jylqynyń joǵalǵandyǵy týraly sýyt habar tústi. Jedel izdestirý sharalaryn júzege asyrýdyń barysynda joǵalǵan mal tabyldy, – deıdi Kókshetaý qalalyq polısııa basqarmasy krımınaldyq polısııa bóliminiń bólimshe bastyǵy Qanat Ahmetov.
Qalalyq polısııa basqarmasynyń qyzmetkerleri mal tasymaldaıtyn avtokólikterdi toqtatyp, tekserý jumystaryn júrgizýde. Taıaýda zań buzǵany úshin ákimshilik 2 hattama toltyrylyp, aıyppul salyndy.
О́ńirge et ónimderi irgeles aýdandar men kórshiles Soltústik Qazaqstan óńirinen de jetkiziledi. Eger qujattary bolmasa, soıylǵan maldyń kimdiki ekenin anyqtaý qıyn. «Aldyrǵan albyrt» degendeı, mal ıeleriniń ózderi kúnkórisin ajyratyp otyrǵan aq-adal malyna abaı bolǵandary jón.
Kókshetaý
