Aınaldyrǵan úsh kúnniń ishinde polısııa qyzmetkerleri jaıaý júrginshilerge 250-ge jýyq ákimshilik hattama toltyryp, aıyppul salǵan.
"Ásirese qys mezgilinde, jaıaý júrginshiler joldan ótpes buryn kele jatqan kóliktiń jyldamdyǵyn azaıtyp, toqtaı alatynyna kózin jetkizý kerek. Sodan keıin ǵana joldan ótýine bolady", - dedi patrýldik polısııa batalony komandıriniń orynbasary Erjan Kárimov.
Al júrgizýshilerdiń kóbi jaıaý júrginshiler jolaǵyna taıaǵanda, qaýipsizdikke kóz jetkizip baryp ótedi. Patrýldik polıseılerdiń málimetine súıensek, osy kún ishinde jaıaýlarǵa jol bermegen 82 júrgizýshige ǵana aıyppul salynǵan. Deıturǵanmen, bul da az kórsetkish emes.
