Bıýdjet qarajatyn durys ıgermegender jaýapqa tartylady. Keshe Úkimet otyrysynda Premer-Mınıstr Serik Ahmetov bul jóninde taǵy da eskertti.
Bıýdjet qarajatyn durys ıgermegender jaýapqa tartylady. Keshe Úkimet otyrysynda Premer-Mınıstr Serik Ahmetov bul jóninde taǵy da eskertti.
Otyrysta 2013-2015 jyldarǵa arnalǵan naqtylanǵan respýblıkalyq bıýdjetti iske asyrý týraly qaýly qabyldandy. Osyǵan oraı Úkimet basshysy respýblıkalyq bıýdjettik baǵdarlamalardyń ákimshilerine, oblystardyń, Almaty jáne Astana qalalarynyń ákimderine bıýdjet qarajattaryn ýaqytyly ıgerý boıynsha qajetti sharalardy qabyldaýdy qamtamasyz etýdi tapsyrdy. Respýblıkalyq bıýdjet baǵdarlamalarynyń ákimshilerine zańnamamen bekitilgen tártipte qalyptastyrylǵan túzetilgen strategııalyq josparlardy Úkimetke engizýdi qamtamasyz etý qajet.
Úkimet basshysy memlekettik organdar basshylaryna, mınıstrlerge, oblys ákimderine 2013 jyldyń bıýdjetin qaltqysyz oryndaý qajettigin eskertti. Oǵan qosa ol jyldyń sońynda onyń qorytyndysy boıynsha naqty sheshimder, onyń ishinde jaýapqa tartý máselesi de qaralatynyn basa aıtty.
Otyrysta qaýly jobasy boıynsha Ekonomıka jáne bıýdjettik josparlaý mınıstri Erbolat Dosaev baıandady. Bıýdjet qarajatyn jumsaýdyń artyqshylyqtaryn anyqtaıtyn bul qujat bıýdjettiń teńgerimdiligin qamtamasyz etýge jáne Memleket basshysynyń tapsyrmalaryn iske asyrýǵa baǵyttalǵan. Iаǵnı, 2013 jylǵy bıýdjetke engizilgen ózgeristerdi oryndaý úshin qabyldanǵan. Mınıstrdiń málimetinshe, 2013 jylǵa arnalǵan respýblıkalyq bıýdjet túsimderi 5 242,5 mlrd. teńge kóleminde nemese aǵymdaǵy bıýdjetpen salystyrǵanda 14,4 mlrd. teńgege ósýmen aıqyndaldy. Ulttyq qordan kepildendirilgen transferttiń mólsheri bekitilgen 1 380 mlrd. teńge deńgeıinde saqtalady. Respýblıkalyq bıýdjet shyǵystary aǵymdaǵy bıýdjetpen salystyrǵanda 65,6 mlrd. teńgege tómendeı otyryp, 6 033,4 mlrd. teńge somasynda kózdelip otyr. E.Dosaev sondaı-aq, qujat «Bıýdjet kodeksiniń talaptaryna sáıkes qalyptastyrylǵanyn, ol jergilikti atqarýshy organdarǵa beriletin nysanaly transfertterdiń somalary, 2013-2015 jyldarǵa arnalǵan basym respýblıkalyq bıýdjettik ınvestısııalar tizbesi jáne 2013 jylǵa arnalǵan memlekettik tapsyrmalar tizbesi boıynsha naqtylaý kezinde júrgizilgen ózgeristerdi qamtıtynyn atap ótti. Budan ózge, onda «jobada bıýdjet qarajatyn ıgerýdi jaqsartý maqsatynda baǵdarlamalar men kishi baǵdarlamalar ishinde buryn júrgizilgen qaıta bólýler eskerildi.
Dınara BITIKOVA,
«Egemen Qazaqstan».
