Bolashaqtyń baıandy baǵdarlamasy

Strategııa – bizdiń ómirimizde

О́tken jylǵy jeltoqsanda jarııa etilgen «Qazaqstan-2050» Strategııasy – qalyp­tas­qan memlekettiń jańa saıa­sı ba­ǵyty» Joldaýyndaǵy qaǵı­dat­tyq ıdeıalar, pikirler jáne usy­nystar búginde búkil respýb­lıka halqynyń qoldaýyna ıe boldy. Sóıtip, jańa baǵdarlama eldiń jalpyulttyq ıdeıasyna aınaldy. Sebebi, bul qujatta halqymyzdyń ótken jetistikteri, búgingi mindetteri jáne aldaǵy josparlary sıntezdelgen bolatyn.

Elbasy Qazaqstannyń bolashaǵyn «Qazaqstan-2050» Strategııasynyń oryn­dalýymen baılanystyrady. Res­pýb­lıkamyzda osyndaı tarıhı mindetterdi sheshý úshin tabıǵat, shıkizat, ǵylym, tehnıka jáne adam resýrstary jetkilikti.

О́tken jylǵy jeltoqsanda jarııa etilgen «Qazaqstan-2050» Strategııasy – qalyp­tas­qan memlekettiń jańa saıa­sı ba­ǵyty» Joldaýyndaǵy qaǵı­dat­tyq ıdeıalar, pikirler jáne usy­nystar búginde búkil respýb­lıka halqynyń qoldaýyna ıe boldy. Sóıtip, jańa baǵdarlama eldiń jalpyulttyq ıdeıasyna aınaldy. Sebebi, bul qujatta halqymyzdyń ótken jetistikteri, búgingi mindetteri jáne aldaǵy josparlary sıntezdelgen bolatyn.

Elbasy Qazaqstannyń bolashaǵyn «Qazaqstan-2050» Strategııasynyń oryn­dalýymen baılanystyrady. Res­pýb­lıkamyzda osyndaı tarıhı mindetterdi sheshý úshin tabıǵat, shıkizat, ǵylym, tehnıka jáne adam resýrstary jetkilikti. Másele el halqynyń «Qazaqstan-2050» Strategııasynda toptasýynda, tarıhı baǵdarlamany oryndaý isine bir kisideı bolyp jumylýynda.

Ulttyq ıdeıalar: el halqynyń etnos­aralyq tatýlyǵy, saıası turaqtylyq, qo­ǵamdyq-áleýmettik kelisim, qazaq tiliniń damýy bolsa, osy qundylyqtardyń barlyǵyn ózine jınaqtaǵan baǵdarlama is-qımyl qaınarkózine aınalýda. Ony qoldaý, iske asyrý úshin jan aıamaı eńbek etý – árbir qazaqstandyqtyń boryshy jáne mindeti. Mundaǵy negizgi basty qozǵaýshy kúsh tetikteriniń biri álemdik ozyq bilimniń ıesi «Bolashaq» baǵdarlamasynyń múmkindikteri bolýǵa tıisti. Prezıdent Nursultan Nazarbaev «Bolashaq» halyqaralyq stıpendııasynyń 20 jyldyq mereıtoıyna baılanysty keshegi Astanada ótken forýmda «Bolashaq» negizinde «Qazaqstan-2050» jalpyulttyq qozǵalysyn qurýdy usyndy.

Osyndaı jasampazdyq mindetterdi halqymyz «Qazaqstan-2050» qozǵalysyna qatysý arqyly sheshedi degen senim kúshti. Elbasy otandastaryn jańa jalpyulttyq qozǵalysqa qatysýǵa shaqyrdy. Munyń memleket aldyndaǵy ózekjardy, taǵ­dyr­lyq mindetterdi sheshýge kirisýi eldegi zor áleýmettik jańarýdyń bas­talýy dep senemiz. Elbasynyń ıdeıasymen «Qazaqstan-2050» qozǵalysy barlyq eńbek uıymdarynda zor órleý týdyratyndyǵy daýsyz.

Bizdiń Qazaq ulttyq agrarlyq ýnı­versıtetiniń ujymy Memleket basshy­synyń el agrokesheniniń aldyna qoıǵan mindetterin óte jaqsy túsinip otyr. Ǵalymdar aýyl sharýashylyǵyn jańartý isine belsene atsalysýda. Qazir álem halyqtaryn alańdatyp otyrǵan ótkir máseleniń biri – memlekettiń azyq-túlik qaýipsizdigi. Sondyqtan, Elbasy «Qazaqstan-2050» Strategııasynda tabıǵat resýrstarynyń azaıýy jaǵdaıynda Qazaqstan memleketiniń sheshetin min­det­terin jeke basymdyq retinde atap kór­setti. Bul oraıda Qazaqstan óziniń qolda bar tabıǵat resýrstaryn paıdalana otyryp, turaqty ekonomıkalyq damý máselelerin sheshý ústinde. Osy baǵyttaǵy ǵylymǵa negizdelgen ınnovasııalyq is-sharalar bilimdi jas mamandarǵa júktelip otyr.

Qazaq ulttyq agrarlyq ýnıversıtetiniń ujymy «Qazaqstan-2050» qozǵalysyn qoldaıdy, onyń ıdeıalaryn qýattap, el halqyn bıik tarıhı belesterdi baǵyn­dyrýǵa shaqyrady.

Tilektes ESPOLOV,

Qazaq ulttyq agrarlyq ýnıversıtetiniń rektory,

QR UǴA akademıgi.

ALMATY.

Jańalyq jaqsylyǵyn qosa ákeldi

Elbasy «Qazaqstan-2050» Strategııasy – qalyptasqan mem­­lekettiń jańa saıası ba­­ǵyty» atty Qazaqstan hal­qyna Joldaýynda: «Aýyl sharýa­shylyǵy ónimine búgingideı ósip otyrǵan jahandyq suranys jaǵdaıynda ol aýqymdy jań­ǵyr­týdy qajet etedi», dedi. Bul úshin el agroónerkásip qyz­metkerlerine azyq-túlik naryǵynyń kóshbasshysy bolýdy jáne aýyl sharýashylyǵy óndirisin arttyrý úshin eń aldymen egistik alańyn ulǵaı­týǵa basa nazar aýdarýdy tapsyrdy. Jańa tehnologııalar engi­zý esebinen sol alańy ulǵaı­tyl­ǵan egistiktiń túsimin molaıtý mindetin de qoıdy.

Jýalylyq dıqandar sııaq­ty biz de tirligimizdi aq egis­ten bas­taǵanbyz. Al 2000 jyl­dan bas­tap kartop ósirýmen shuǵyldana bastadyq. Alǵashynda 2 gektar jerge kartop ektik. Búginde onyń kólemi 150 gektarǵa ul­ǵaıdy. Qojalyǵymyzda bar­lyǵy 385 gektar jer bolsa, so­nyń 185 gektary sýarmaly al­qap. Qalǵanyna kúzdik bıdaı men arpa egemiz.

Inim Nurjigit Qaraǵandy oblysyndaǵy «Astra-Agro» aýyl sharýashylyǵy kásip­or­ny­nan kartop ósirýdiń ınno­vasııalyq jobasyn alyp keldi. Qazir ony Germanııanyń jańa tehnologııasymen egip, jınap, sorttaımyz. Buryn ár gektardan 120-170 sentnerden kartop jınasaq, jańa tehnologııa bo­ıynsha onyń kólemin 250-350 sentnerge jetkizdik. Al bur­naǵy jyly Nıderlandydaǵy kar­top tuqymyn daıyndaıtyn fırmamen kelisimshartqa oty­ryp, 50 tonna elıtalyq kar­top satyp aldyq. О́nimdi saq­taıtyn qoımamyz da bar. Ol da ınnovasııalyq tásilmen jasal­ǵan­dyqtan jeldetkishi, jylyt­qyshy bar, Borandynyń aq qar, kók muzynda kartopqa qajetti tem­peratýrany jaqsy ustap tura­dy.

Biz qazir ónimderimizdi tike­leı ótkerýden bólek, memle­kettik satyp alý arqyly keı­bir mekemelerdi azyq-túlik­pen qamtamasyz ete basta­dyq. Elbasy Nursultan Nazar­baev «Qazaqstan-2050» Strate­gııa­syn­da ınnovasııa týraly óte durys aıtty dep bilemin. О́ıtkeni, mine, ınnovasııalyq jańalyq bizdiń ómirimizge jaqsylyǵyn qosa ákelip otyr.  

Kerimqul BEGALIEV,

«Zylıha» sharýa qojalyǵynyń tóraǵasy.

Jambyl oblysy,

Jýaly aýdany,

Túktibaı aýyly.

Keleshek kelbeti

Men Qazaqstanda jas ke­­zim­­nen turamyn. Oqy­­dym, qyzmet iste­dim, óstim, órken jaıdym. Qazaqstanmen birge qıyn­dyqty da, qyzyq ómirimdi de birge kórip kelemin. Meniń jýrnalıstik qyzmetime qyryq jyldan asyp ketti. Oblystyq orys tildi «Kostanaıskıe novostı» gazetin basqarǵanyma 27 jyl bolypty. Men Elbasymyz Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıa­sı baǵyty» Joldaýynda qaralǵan máselelerdi tek óz basyma ǵana qatysty alsam durys pikir bolmas edi. О́ıtkeni, men pende retinde jasarymdy jasaǵan adammyn. Biraq bulaı aıtqym kelmeıdi. Qazaqstandy damytýdy jahandyq deńgeıde qaraǵan osy strategııalyq qujatta aldaǵy ýaqytta atqaratyn isterdi biz bastap berdik. Eń bastysy, urpaqtarymyz ony jalǵastyrady.

Men ýkraın halqynyń ókilimin. Oblysta, respýblıkada biraz ýkraın turamyz. Sonyń barlyǵy da Qazaq­stannyń bolashaǵyna senimdi. Qazaqstan halqy Assambleıasy tek Qazaqstanda ǵana emes, ózge elderde de bar. Alaıda, kóptegen memleketterde ol qoǵamdyq uıym ǵana bolyp sanalady. Al Qazaqstan halqy Assambleıasynyń qoǵamdyq uıymnan máni tereńde jatyr, ol resmı ınstıtýt bolyp esepteledi. Munyń ózi Qazaqstandy óziniń kishi otanyna balaıtyn ózge ult ókilderi úshin arqa súıeıtin taý sekildi. Respýblıkamyzdy jaılaǵan ulttardyń birligi bolǵanda ǵana elimiz nyǵaıa túsetinin Nursultan Ábishuly árdaıym aıtyp júr. Qazaqstan bizge barlyǵyn da jasady, endi biz elge ne beremiz? Meniń de, meniń qandastarymnyń da aldaǵy ustar baǵyty osy bolýy kerek.

О́z basym «Qazaqstan-2050» Stra­tegııasy týraly oılaǵanda, jas árip­testerime qyzyǵa qaraımyn. Solar Elbasymyzdyń osy Joldaýynda aıtylǵan baǵyttardy aldaǵy ómirine temirqazyq etip ustanatyn bolady, ony júzege asyrady. Olar sol úshin de baqytty. Joldaýda kadr máselesi týraly aıtylǵan bolatyn. Al ol jastarǵa sapaly bilim bergende sheshimin tabady. Bul oraıda Elbasy Nursultan Nazarbaev jastarǵa barlyq jaǵdaıdy jasap otyr. Aldaǵy ýaqytta ınnovasııalyq tehnologııalardy meńgerý, sheteldik mamandar tájirıbelerinen tálim alý da jastardyń, onyń ishinde jas jýrnalısterdiń de enshisi bolyp tabylady. Jastardyń bolashaǵy olarǵa kúlimdep qaraǵandaı bolady. Strategııada aıtylǵan baǵyttardy ár qazaqstandyq qasterlep ustasa, memleketimiz damı bermek.

Sergeı HARChENKO,

áleýmettaný ǵy­lym­darynyń dok­tory, Qazaqstan halqy Assam­bleıa­synyń múshesi.

QOSTANAI.

Bári ózimizge baılanysty

«Qazaqstan-2050» Strategııasyn iske asyrýdyń basty kilti eseli eńbek dep bilemin. Elbasymyz qazaqstandyqtarǵa arnaǵan óziniń sóziniń birinde jaqsy jumys istegen adam jaqsy turady degen bolatyn. Nursultan Ábishulynyń naqylǵa bergisiz osy sózi men strategııa joldary arasynda tyǵyz baılanys bar. Eger biz bárimiz bir jaǵadan bas, bir jeńnen qol shyǵaryp jumyla eńbek etpesek, strategııa ózinen ózi iske asa salmaıdy ǵoı. Baǵdarlamalyq basty qujat osylaısha tek eńbek arqyly ómirimizge dendep ene alady. Tórimizge emin-erkin qadam basa alady.

Erinbegen adam óziniń eńbeginiń nátıjesin kórip qana qoımaı, otbasy bıýdjetin toltyrady, ári Elbasy belgilep bergen jańa saıası baǵyttyń irgetasy nyq bolýyna ózindik úlesin qosady. Mysaly, men úı qustaryn ósirý arqyly ózime de, tutastaı qazaqstandyq qoǵamǵa da paıdaly ispen aınalysyp júrmin dep sanaımyn. Náp-názik balapannan qaýyrsyn qanat qus ósirip shyǵarǵan kezge deıin biraz ter tógýge týra keledi. Shynyna kelsek, balapannyń kútimi balanyń kútiminen bir de kem emes.

Saryaýyzdar jetilip ketýi úshin jem-sýyna dárýmender qosyp aýyzdandyramyz. Munyń bári olardy shıratý úshin qajet. Balalarym úırek pen qaz, taýyq sekildi úı qustarynyń sońynda júrgen maǵan: «Apa, osyny qaıtesiz, azaptanyp», – dep qoıady. Sirá, olar osy saýaldary arqyly eńbektiń rahaty men lázzatyn áli tereń sezinbeıtin sııaqty kórinedi. Jylda jasap júrgen kásibim ǵoı. Balapandy kúzde sanaıdy degendeı osy mezgilde qustar et alyp, eńbektiń zeınetin kórgendeı bolamyn.

Elbasy belgilep bergen strategııamen tanysqan ár adam ózine tıesili kásippen aınalysý qajettigin tereń túısine alady. Iá, birqatar jaǵdaılarda aıtylyp qalyp jatatyn jumys joq degen sóz tek syltaý ǵana. Mundaı keri tartatyn sózdi otandastarymyzdyń árqaısysy ári ysyryp qoıyp, qoǵamǵa masyl bolmaý joldaryn oılastyrsa «Qazaqstan-2050» Strategııasynda qoıylǵan maqsattar men mindetterge soǵurlym tezirek jeterimiz anyq.

Qazir elimizde árkimniń qolynan keletin jumyspen aınalysýyna tolyq múmkindikter bar. Biz bárimiz ony tıimdi túrde paıdalana bilýimiz kerek degim keledi jeke kásippen aınalysýdy maqsat etken barsha qarapaıym jandarǵa.

Baǵıla KÚZBAEVA,

qus ósirýshi.

Batys Qazaqstan oblysy,

Shyńǵyrlaý aýdany.