Máskeýde keńes jáne orys teatr men kın óneriniń juldyzy Iýrıı Iаkovlev ómirden ótti. Bul týraly RIA «Novostı» habarlady.
Akter uzaqqa sozylǵan naýqastan keıin aýrýhana tóseginde qaıtys boldy.
«Iýrıı Vasılevıch búgin túnde aýrahanada qaıtys boldy. Qoshtasý rásimi Vahtangov teatrynda jasalady. Ýaqytyn keıin anyqtaımyz», - dedi teatr dırektory Kırıll Krok.
Ártis retindegi Iýrıı Iаkovlevtiń enshisinde teatr men kınoda 100-den astam ról bar. Solardyń ishindegi aıryqsha mańyzdylary qataryna «Ivan Vasılevıch kásibin ózgertedi» fılmindegi Ivan Groznyıdyń, «Taǵdyr tálkegi nemese Jeńil býyńyzben!» kartınasyndaǵy Ippolıtti jatqyzýǵa bolady.
Iýrıı Iаkovlev — KSRO halyq ártisi (1976), KSRO Memlekettik syılyǵynyń laýreaty (1979). Ol 1928 jyly 25 sáýirde Máskeýde týǵan. 1952 jyly Shýkın atyndaǵy teatr ýchılıshesin bitirgen. 1955 jyldan beri kınoǵa túsip keledi. Onyń birinshi róli «Naqurys» lentasyndaǵy knıaz Myshkın boldy.
Murat Aıtqoja.
Derekkóz: RIA «Novostı».
