Saltanatty rásimge "Batys" óńirlik qolbasshylyǵy áskerleriniń qolbasshysy, polkovnık Nurlan Aldııarov, qolbasshy orynbasarlary, bólim komandırleri men Qarýly Kúshterdiń ardagerleri qatysty. Jas sarbazdar áskerı ant qabyldaǵannan keıin qoıan-qoltyq urys pen saptyq daıarlyǵyn kórsetti.
"Tuńǵysh Prezıdent kúni ant qabyldaý biz úshin úlken mártebe. Bul bárimizge erekshe jaýapkershilikti júkteıdi. Biz Otanymyzdyń ıgiligi úshin áskerı boryshymyzdy abyroımen oryndaımyz dep senimmen aıta alamyn", dedi qatardaǵy jaýynger Aıbar Omar.
Endi jas sarbazdar kishi mamandardy daıarlaý baǵdarlamasy aıasynla jaýyngerlik daıyndyqty bastaıdy. Olar alty aıda artıllerııashylardyń, tankıstterdiń, barlaýshylardyń, atqyshtardyń áskerı mamandyǵyn meńgeredi.
