Ýkraına mılısııasy 30 qarasha kúni túnde Kıevtegi táýelsizdik alańynda mıtıngige shyqqandar ústinen 12 qylmystyq is qozǵap úlgerdi. Bul týraly ITAR-TASS habarlady.
«Bes óndiris buzaqylyqqa qatysty, úsheýi – qarsylyq kórsetkenderge, ekeýi – zorlyq jasaǵandarǵa bireýi qoǵamdyq oryndy nemese qarý-jaraqty basyp alýǵa qatysty baptar boıynsha qozǵaldy. Jalpy, mılısııa densaýlyqtary men ómirlerine qaýip tóngennen keıin arnaıy qural qoldanýǵa májbúr boldy», - deıdi Ýkraına Ishki ister mınıstrligi bas basqarmasy bastyǵynyń mindetin atqarýshy Valerıı Korıak. Ol sóz oraıynda bul isterdiń tergeýge jiberilgenin málim etti.
Ýkraına Ishki ister mınıstrligi Maıdan táýelsizdik alańynda bolǵan oqıǵalardy zertteıtin jumys tobyn qurdy. Ol sonymen birge qyzmettik laýazymdaryn asyra paıdalanǵan mılısııa qyzmetkerlerin de tekseretin bolady.
Baqytbek Keneshuly.
Derekkóz: ITAR-TASS
