Egemendiktiń eńsesin tiktegen

Erkindikke umtylǵan eldiń qadamy qaıyrly bolsa kerek-ti. Altaıdaǵy altyn besikten shyǵyp, Ertis pen Edildiń eki arasyn en jaılaǵan esil jurt sol erkindigińizge ǵasyr­lar boıy umtyldy. Qanshama ur­paq azattyqtyń altyn tańyn kóre almaı armanda ketkenine tarıh kýá. Sol azat hám ǵajap tańnyń nuryna shomylǵan biz netken baqyttymyz. Keńes ókimeti kelmeske ketti de, óz aldy­myzǵa otaý qurdyq. Tarı­hı tańdaý jasap, Tuńǵysh Pre­zıdentimizdi saıladyq. Ege­men­dik pen Elbasy uǵymynyń egiz ekenin osydan-aq ańǵara berińiz.

Táýbesinen jańylmaǵan halyqty Táńiri táýelsizdikpen synady. Shyńǵa shyǵý bar da, shaıqalyp shyńyraýǵa qulaý da bar emes pe? Shyńymyz – bos­tandyq bolsa, shy­ńy­raýymyz – bodandyq. Ekeýi de bas aınaldyrady. Quzdyń shetin­de júrip qulap ketýimiz de múmkin edi. Qulaǵan joq­pyz. Aqıqatyn aıtar bolsaq, Ult Kóshbasshysynyń kóre­gendigi men suńǵyla saıasat­ker­ligi qulat­paı aman alyp qa­ldy. О́z jolymyzdy tań­dap, órge qadam bastyq. Tuńǵysh Prezı­dent­tiń son­daǵy eren eńbegin jiliktep, jipke tizip shyǵýdyń ózi artyq bolar edi. Alaıda tamyrly tarıh umytpaıdy.

Elbasy eń aldymen mem­le­ket­­tiń jer aýmaǵy má­sele­si­ne núkte qoıyp, she­karamyz­dy shegendep aldy. El umyt­paı­tyn erlik dep osyny aıtýǵa bolatyn sııaqty. Sebebi bul asa jaýapty ári kúrdeli is edi. Uzaq jyldarǵa sozylǵan kelis­sóz­der de, tarıhı qujattarǵa júginýge týra kelgen sátter de boldy. Ádette, syrtqy saıa­­sattyń «ógizdi – óltirmeý, ar­­bany – syndyrmaý» qaǵı­daty aldyńǵy orynǵa shyǵa­dy mundaıda. Sondyqtan áńgi­me­niń árisin túsingen adam úshin bul úlken jeńis hám jetistik. Osylaısha, dúnıe júziniń saıa­sı kartasynda toǵyzynshy terrıtorııa paıda boldy. Biz soǵan taban tirep, kindik baılap turmyz.

«Eshkimge soqtyqpaı jaı jatqan eldiń» (Qazybek bı) Elbasy jasaǵan endi bir taǵ­dyrsheshti qadamy – jappaı qyryp joıý qa­rýy­nan bas tartýy der edik. Osydan týra 29 jyl buryn 29 tamyzda Elbasynyń Jar­ly­ǵymen jer betindegi iri ıadro­lyq synaq alańy sana­la­tyn Semeı polıgony jabyldy. Bul polıgonda qyryq jyl boıy 456 ıadrolyq jáne termoıadrolyq zarıad synal­ǵanyn búkil álem biledi. Biraq sol álemińiz polıgon aýmaǵynda qonystanǵan bir jarym mıllıon adamnyń taǵdy­ry­nan beıhabar. Solaı bolsa da dúnıe júzi 29 tamyzdy Iаdrolyq synaqtarǵa qarsy is-qımyldyń halyqaralyq kúni retinde atap ótip keledi.

Tuńǵysh Prezıdentimiz us­tanǵan sarabdal saıasat­tyń endigi jemisi – qandas­ta­ry­myzdy atajurtqa oraltý kezinde baıqaldy. О́tken ǵasyrdyń alǵashqy shıreginde saıası qýǵyn-súrgin men ashar­shy­lyqtyń kesirinen dúnıe júzine tarydaı shashyraǵan qarakózderimiz atamekenge taban tıgizip, týǵan elmen qa­ýyshty. Elimiz egemendik alǵan­nan bergi jyldarda bas-aıaǵy 962 703 qandasymyz Qazaqstan Respýblıkasynyń azamattyǵyna qabyldanypty. О́tken jyly 17 696 qan­da­symyz Qazaqstannyń aza­mat­ty­ǵyn alǵan bolsa, bıyl
14 944 qandasymyz Qazaqstan azamaty atandy. Jyl basynan bastap elimizge 6 043 etnıkalyq qazaqtar turaqty turýǵa kóship kelip otyr.

Tatýlyq pen dostyq joq jerde yntymaq pen bereke de bolmaıdy. Osyny anyq túsingen Tuńǵysh Pre­zı­den­ti­miz sandaǵan ulystyń júrek lúpilin úndestire bildi. Turaqtylyqtyń tuǵyry re­tin­de Qazaqstan halqy Assam­­­bleıa­sy­nyń irgesin qa­­lap, dúnıe júzinde joq yn­ty­maqtastyq ınstıtýtyn qa­lyp­tas­tyrdy.

P.S. Baýyrlas memleketter Túrki ıntegrasııasynyń arhıtektory dep aıryqsha baǵa bergen Tuńǵysh Prezıdentimizdiń eren eń­begi týraly buǵan deıin de az aıtylǵan joq. Aldaǵy ýaqyt­ta da aıtyla beredi. Sebebi Uly dalanyń tarıhyn, tá­ýelsiz el­diń damý dańǵylyn Elbasynan bólip qaraý múmkin emes. Ár otan­dasymyzdyń ózeginde osyndaı oımaqtaı oı júrse kerek-ti...