Jańa oqý jylynyń aldynda barlyq jerlerde daıyndyq sharalary ótti. Áskerı qyzmetshilerge saltanatty túrde qarý men jaýyngerlik tehnıka tabys etildi. 2020 jyldyń kúzinde shaqyrylǵan jas tolyqtyrý áskerı ant qabyldady jáne bólimshelerge bólindi.
Jańa oqý jyly dástúr boıynsha mıtıngterden bastaldy, onda áskerı qyzmetshiler aldaǵy oqý kezeńine qabyldaǵan mindettemelerin aıtty. Áskerı bólimder men bólimshelerdiń komandırleri jeke qurammen memlekettik-quqyqtyq daıyndyq boıynsha dárister ótkizdi.
Birinshi aptada barlyq bólimder men mekemelerde jaýyngerlik ázirlik boıynsha sabaqtar ótedi. Olar habarlaý júıesiniń tıimdiligin tekserý, basqarý organdary (shtabtar) jumysynyń úılesimdiligin arttyrý, jeke quramnyń praktıkalyq daǵdylaryn damytý, basqarý organdarynyń, quramalar men áskerı bólimderdiń ózara is-qımyl deńgeıin jetildirý úshin júrgiziledi.
Jaýyngerlik ázirlik aptasynan keıin barlyq sanattaǵy áskerı qyzmetshiler mamandyq boıynsha sabaq ótedi, ol jeke quramnyń atqaratyn laýazymdary kóleminde fýnksıonaldyq mindetterdi, shtattyq qarý-jaraq pen áskerı tehnıkanyń materıaldyq bóligin, olardy paıdalaný tártibin zerdeleý taqyryptaryn qamtıdy.
Jyl boıy jeke quramdy oqytý áskerı qyzmetshilerdi mamandyq boıynsha daıarlaýdy, bólimshelerdi úılestirý, jaýyngerlik atystar men taktıkalyq oqý-jattyǵýlardy qamtıtyn jaýyngerlik daıarlyq baǵdarlamasy boıynsha júrgiziletin bolady.
