Qorǵanys mınıstrligi Qazaqstannyń memlekettik organdary arasynda alǵashqy bolyp Korganyz.kz-Internet-televıdenıesin iske qosty. Bul Qazaqstan áskeriniń oń bedelin nyǵaıtýǵa baǵyttalǵan jańa joba bolyp tabylady.
Qorǵanys mınıstrligi Qazaqstannyń memlekettik organdary arasynda alǵashqy bolyp Korganyz.kz-Internet-televıdenıesin iske qosty. Bul Qazaqstan áskeriniń oń bedelin nyǵaıtýǵa baǵyttalǵan jańa joba bolyp tabylady.
Korganyz.kz portalyna tek áskerı mamandardyń qyzyǵýshylyǵyn oıatyp qana qoımaı, Qarýly Kúshterdiń keń aýdıtorııaǵa arnalǵan tynys-tirshiligi men Qorǵanys mınıstrliginiń qyzmeti týraly beınematerıaldar, fotoreportajdar ornalastyrylǵan. Beıneqyzmet onlaın-taratylymdar men beınekonferensııalar júrgizýge, sondaı-aq, zamanaýı tehnologııalar men kommýnıkasııalardyń ádisterin neǵurlym keńirek qoldanýǵa múmkindik beredi.
Korganyz.kz áskerı paradtardy, jaýyngerlik oqý-jattyǵýlardy jáne ózge de resmı is-sharalardy on-line rejiminde taratýdy uıymdastyrý úshin qoldanylady. Ony paıdalanýshylar áskerı-patrıottyq taqyryptaǵy beıne-fotomuraǵattarǵa ońaı qol jetkize alady. Sondaı-aq, qazaqstandyqtardyń kózaıymyna aınalǵan «Aıryqsha tapsyrma» realıtı-shoýyn, Qorǵanys mınıstrliginiń bastamasymen jasalǵan ózge de arnaıy jobalardy taratý josparlanyp otyr.
Korganyz.kz – bul Qazaqstan áskeriniń jetistikteri men áskerı adamdardyń taǵdyryna beıjaı qaraı almaıtyn adamdarǵa arnalǵan beıne-portal.
Áskerı ınteret-televıdenıeni iske qosý Qazaqstan Respýblıkasynyń Tuńǵysh Prezıdenti – Qarýly Kúshterdiń Joǵarǵy Bas qolbasshysy Nursultan Nazarbaevtyń kúnine oraılastyrylyp otyr. Bul merekeniń negizgi ıdeıasy – qoǵamdy Qazaqstannyń turaqty jáne qarqyndy damýynyń irgetasyna aınalǵan Memleket basshysy júrgizip otyrǵan saıasattyń mańyna toptastyrý.
О́z ómirin áskermen baılanystyrǵan jastar tek konstıtýsııalyq boryshtarymen ǵana emes, sanaly túrdegi jeke tańdaýlary arqyly da Joǵarǵy Bas qolbasshyǵa áriptes bolý kerek. Naǵyz er-azamattyń, óz Otanynyń patrıoty men qorǵaýshysynyń tańdaýy – týǵan Otany men halqyna jáne onyń lıderine adal bolý.
«Egemen-aqparat».
