Densaýlyq saqtaý mınıstrliginiń málimetinshe qazirgi ýaqytta koronavırýs ınfeksııasynan 14 096 adam em qabyldaýdy jalǵastyrýda. Olardyń arasynda 1 010 bala bar. Stasıonarlarda 3 687 naýqas jatyr. 10 409 adam ambýlatorııalyq jaǵdaıda emdelýde. Jalpy naýqastardyń arasynda 241 adamnyń hali nashar. Sonyń ishinde 39 naýqastyń jaǵdaıy asa aýyr dep baǵalanýda. 33 naýqas ókpeni jasandy jeldetý apparatynda jatyr.
Densaýlyq saqtaý mınıstrligi budan bylaı táýliktik nátıjeler týraly aqparatty úzbeı jarııalap otyrady. Barlyq málimet resmı saıtta jáne vedomstvonyń áleýmettik jelilerdegi paraqshalary arqyly taratylady. Atap aıtqanda, naýqastardyń jalpy sany jóninde, qaıtys bolý derekteri týraly jáne qoǵam úshin mańyzdy ahýaldyń barlyǵy resmı aqparat taratý kózderinde jedel jarııalanyp turady.
Sanıtarlyq-epıdemııalyq baqylaý komıteti saıtynda Bas memlekettik sanıtar dárigeri Erlan Qııasovtyń jańa qaýlysy jarııalandy. Jańa qaýlyǵa sáıkes, bosanatyn júkti áıelge perzenthanaǵa seriktesin ertip kirýge ruqsat etilmek. Ol úshin seriktes adamda nátıjesi berilgen kúnnen bastap 3 táýlikten aspaǵan PTR-testiniń teris nátıjesi bar anyqtama bolýy shart.
«Qazaqstan Respýblıkasynyń memlekettik shekarasyndaǵy ótkizý pýnktterinde koronavırýs ınfeksııasy aýrýynyń aldyn alý jónindegi sharalardy odan ári kúsheıtý týraly» Bas memlekettik sanıtarlyq dárigeriniń 2020 jylǵy 23 qazandaǵy №59 qaýlysyna tıisti ózgerister engizildi. Qazaqstanǵa shetelden áýe reısterimen keletin adamdarǵa qatysty is-sharalardy mynadaı tártippen júrgizýdi qamtamasyz etsin: ertip júretin adamdarda Qazaqstannyń Memlekettik shekarasyn kesip ótken sátte nátıjesi berilgen kúnnen bastap 3 táýlikten aspaıtyn PTR ádisimen COVID-19-ǵa testiniń teris nátıjesi bar anyqtama bolǵan kezde 5 jasqa deıingi balalardy, Qazaqstan Respýblıkasynyń úkimettik delegasııalaryn; avıakompanııalar ekıpajdaryn qospaǵanda, barlyq kelgen adamdar anyqtama usynýǵa mindetti. Sondaı-aq shetelden halyqaralyq jolaýshylar avıareısterimen kelgen adamdarǵa qatysty shekteý sharalary osy qaýlyǵa 1-qosymshaǵa sáıkes júrgiziledi», delingen qujatta. Atalǵan qaýly búgin saǵat 00:00-den bastap kúshine enedi.
Densaýlyq saqtaý mınıstrligi men Reseıdiń tikeleı ınvestısııalar qory (RFTIQ) álemde alǵashqy tirkelgen koronavırýsqa qarsy «Spýtnık V» vaksınasyn tirkep, sondaı-aq ony óndirý jáne taratý rásimin júrgizý úshin yntymaqtastyq týraly kelisimge keldi. Tıisti qujatqa elimizdiń Densaýlyq saqtaý mınıstri Alekseı Soı men RFTIQ bas dırektory Kırıll Dmıtrıev qol qoıdy. Qazaqstannyń retteýshi organdary qajetti rásimderdi aıaqtaǵannan keıin Reseı tehnologııa transferin júrgizedi jáne el aýmaǵynda «Spýtnık V» vaksınasynyń keminde 2 mln dozasyn óndirýge arnalǵan sýbstansııany jetkizedi.
«Prezıdent Qasym-Jomart Toqaev Reseı Prezıdenti Vladımır Pýtınmen Qazaqstanda «Spýtnık V» vaksınasyn shyǵaratyn zaýyt salý týraly kelisti. Bul Kelisim ekijaqty qarym-qatynasqa serpin beredi, sondaı-aq koronavırýs ınfeksııasy pandemııasymen tezirek kúresýge múmkindik týady dep senemin», dedi A.Soı.
Mamandardyń aıtýynsha, Qazaqstan aýmaǵynda «Spýt-
nık V» vaksınasyn shyǵarý logıstıkalyq shyǵyndardy azaıtýǵa jáne qysqa merzimde vaksınany medısınalyq mekemelerge jetkizýge múmkindik beredi.
«RFTIQ pen Qazaqstan arasyndaǵy kelisimniń nátıjesinde, halyqqa adamnyń adenovırýstyq vektorlarynyń tekserilgen jáne jaqsy zerttelgen platformasynda qurylǵan tıimdiligi 91%-dan asatyn koronavırýsqa qarsy vaksına qoljetimdi bolady. Sonymen qatar eki el arasynda tehnologııalyq, ǵylymı jáne medısınalyq tájirıbe almasý keńeıedi», dedi RFTIQ bas dırektory K.Dmıtrıev.
Qazirgi ýaqytta Belarýs, BAÁ, Venesýelada jáne birqatar basqa elde «Spýtnık V» vaksınasynyń III klınıkalyq zertteý fazasy, sondaı-aq Úndistanda II-III fazasy maquldandy. 50-den asa elden 1,2 mlrd-tan asa doza satyp alý týraly ótinim tústi. Sheteldik naryqqa arnalǵan vaksınany RFTIQ halyqaralyq seriktesteri Úndistan, Brazılııa, Qytaı, Ońtústik Koreıa jáne taǵy tórt el shyǵarady.
Esterińizge sala keteıik, 24 qarashada N.F.Gamaleı atyndaǵy EMUǴO men RFTIQ randomızasııalanǵan plasebo-baqylanatyn klınıkalyq tirkeýden keıingi koronavırýsqa qarsy «Spýtnık V» vaksınasy 40 myń eriktiniń qatysýymen zertteýdiń III kezeńiniń ekinshi aralyq taldaýynyń oń nátıjelerin jarııalady. Zertteýdiń aralyq nátıjeleri taǵy bir ret adamnyń adenovırýstyq vektorlarynyń jaqsy zerttelgen platformasynda qurylǵan álemdegi alǵashqy tirkelgen koronavırýsqa qarsy vaksına «Spýtnık V» vaksınasynyń joǵary tıimdiligin kórsetti. Tıimdilikti baǵalaý vaksınanyń birinshi ıneksııasyn (ekinshi ıneksııany alǵannan keıingi 7-kún) nemese klınıkalyq zertteý hattamasyna sáıkes ekinshi baqylaý núktesine jetkende plasebo alǵannan keıingi 28-kúni 18 794 erikti arasynda júzege asyryldy. Taldaý qorytyndysy boıynsha «Spýtnık V» tıimdiligi 91,4%-dy qurady.
О́tken aptadaǵy málimet boıynsha elimizde koronavırýs ınfeksııasynan qaıtys bolǵan 44 jaǵdaı tirkeldi. Dálirek aıtsaq, Shyǵys Qazaqstan oblysynda – 11, Almaty qalasy – 8, Nur-Sultan qalasynda – 6, Batys Qazaqstan oblysynda – 6, Soltústik Qazaqstan oblysynda – 5, Aqmola oblysynda – 2, Atyraý oblysynda – 2, Almaty oblysynda – 1, Qostanaı oblysynda – 1, Mańǵystaý oblysynda – 1, Shymkent qalasynda 1 adam indettiń kesirinen kóz jumdy. Qazaqstanda COVID-19-dyń saldarynan barlyǵy 2 034 adam qaıtys boldy.
