Áńgime barysynda Qazaqstan Elshisi Rım Papasy Fransıskke Prezıdent Qasym-Jomart Toqaevtyń jyly lebizin jetkizip, Rım Papasynyń Álemdik jáne dástúrli dinder kóshbasshylarynyń VII sezine qatysatynan óz úmitin bildirdi.
Rım Papasy Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń Álemdik jáne dástúrli dinder kóshbasshylary arasyndaǵy senim men ózara túsinistikke negizdelgen dıalog qurý týraly bastamasynyń iske asyrylýyn joǵary baǵalady.
Rım Papasy Fransısk óz sózinde: «Búginde, múmkin, burynǵydan da kóp bizdiń jahandaný álemi bizdiń planetamyzdyń aldynda turǵan eleýli qaterlerge qarsy turý úshin adamzatty biriktiretin jáne jas urpaqqa arnalǵan jarqyn bolashaqty qura alatyn shynaıy jáne qurmetti dıalog pen yntymaqtastyqty damý qajet» - dedi.
Vatıkanǵa sapary barysynda Á.Baqaev Qasıetti Taqtyń joǵarǵy basshylyǵymen, atap alǵanda kardınal Petro Parolın, Vatıkannyń Memlekettik hatshysymen (Premer-mınıstr), onyń orynbasary arhıepıskop Edgar Parra jáne arhıepıskop Pol Gallaher, Memlekettermen baılanys jónindegi hatshysymen (Syrtqy ister mınıstri) kezdesýler ótkizdi.
Kelissózder barysynda ekijaqty yntymaqtastyqtyń ózekti máseleleri, Vatıkannyń Qazaqstan elordasynda ótken Álemdik jáne dástúrli dinder kóshbasshylarynyń sezine qatysýy, sondaı-aq mádenı-gýmanıtarlyq baılanystardy keńeıtý máseleleri talqylandy.
