Búgin, 4 jeltoqsan kúni halyq sanaǵyna bólingen mıllıondaǵan aqshany jymqyrdy dep aıyptalǵan Anar Meshimbaevaǵa qatysty Astana qalasyndaǵy №2 Saryarqa aýdandyq sotynda sot otyrysy bastaldy. Bul týraly Nur.kz habarlady.
A. Meshimbaevaǵa qatysty qylmystyq isti sýdıa Aqmaral Isaeva qaraıtyn boldy. Osy istiń nemen aıaqtalǵanyn jaqyn arada qosymsha habarlaımyz. Al 43 jastaǵy A. Meshimbaeva shetelde boı tasalap júrgende, elimizde birshama ózgeristerdiń oryn alǵany málim. «Halyq sanaǵyna bólingen qarjyny qaltasyna basty» degen aıyppen burynǵy eki orynbasary men "Kıik" fırmasynyń quryltaıshysy, belgili kásipker Serik Turjanov sottalyp ketti. Degenmen, osy 700 mln. teńge týraly alǵash sóz qozǵalǵanda, A:Meshimbaevanyń ózi "qarjy polısııasynyń bul deregi qate" dep suhbat bergen bolatyn...
Qamaýdaǵy A. Meshimbaeva ázir ózine taǵylǵan aıypty moıyndap otyrǵan joq. Advokaty Botakóz Beısembaevanyń aıtýynsha, eks-sheneýnik sot barysynda ózin aqtap alatyn dáıekter keltirmek.Sondaı-aq, ol sot prosesine onyń týystary, ıaǵnı qart áke-sheshesi men 18 jastaǵy qyzy da kelýi múmkin ekenin aıtty. Jalpy, A.Meshimbaevanyń ózi jáne advokaty bul sot prosesin aqparat quraldarynyń kórsetýine qarsy emes.
Baqytbek Keneshuly.
Derekkóz: Nur.kz
