Elbasy Úkimettiń keńeıtilgen otyrysynda sheneýnikter qyzmet babyn asyra paıdalanyp, memlekettik baǵdarlamalar boıynsha bólinetin qarajatty qymqyryp qalý faktilerin ótkir synǵa alǵany málim.
Almaty oblysy boıynsha ekonomıkalyq qylmysqa jáne sybaılas jemqorlyqqa qarsy kúres (qarjy polısııasy) departamentiniń derekterine súıensek, bıýdjet qarajatyn jymqyrý faktileri boıynsha Almaty oblysynda aǵymdaǵy jyldyń 10 aıynda 28 qylmystyq is qozǵalypty.
Elbasy Úkimettiń keńeıtilgen otyrysynda sheneýnikter qyzmet babyn asyra paıdalanyp, memlekettik baǵdarlamalar boıynsha bólinetin qarajatty qymqyryp qalý faktilerin ótkir synǵa alǵany málim.
Almaty oblysy boıynsha ekonomıkalyq qylmysqa jáne sybaılas jemqorlyqqa qarsy kúres (qarjy polısııasy) departamentiniń derekterine súıensek, bıýdjet qarajatyn jymqyrý faktileri boıynsha Almaty oblysynda aǵymdaǵy jyldyń 10 aıynda 28 qylmystyq is qozǵalypty.
Salalap aıtsaq, «Aqbulaq» memlekettik baǵdarlamasy boıynsha 3 qylmystyq is qozǵalyp, sotqa joldanyp, onyń 1-eýin sot qarady. Mysaly, Aqsý aýdandyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi memlekettik mekemesiniń burynǵy bastyǵy S.Súleımenov qyzmet babyn asyra paıdalanyp, «Álemqurylys» JShS Jansúgirov kentindegi ár turǵyn úıge aýyz sý tartyp berýi týraly jasalǵan kelisimshartta kórsetilgen mindetin tolyq oryndamasa da qabyldap alý aktisine qol qoıyp, mór basyp, memleketke 1 825 630 teńge kóleminde zııan keltirgen.
«100 mektep, 100 aýrýhana» memlekettik baǵdarlamasy boıynsha Qaratal aýdanynyń Oıan aýylynda 120 oryndyq mektep salý barysynda jasalǵan qylmystyq áreketpen memleketke 1,1 mln. teńge zalal keltirgeni úshin Aqyljan Jandarbekovti sot 8 jylǵa bas bostandyǵynan aıyryp, múlkin tárkilep, memleketke keltirilgen zalaldy bir aı ishinde tolyq qaıtarý týraly talap qoıdy.
Eldiń ózekti máselesiniń biri – baspanaly bolý. Bul oraıda memlekettik baǵdarlama óz maqsatynda tolyq oryndalmaıtyny bıik minbelerden aıtylýda. Naqty derekke dáıekteme keltirsek, «Qoljetimdi baspana-2020» memlekettik baǵdarlamasy boıynsha 2 qylmystyq is qozǵaldy. Aıda Asylbekova degen azamatsha Eńbekshiqazaq aýdanynyń turǵyn úı ınspeksııasy bóliminiń jetekshi mamany mindetin ýaqytsha atqara júrip, qyzmet babyn paıdalanyp, paıda kórý nıetimen turǵyn úı kezeginde turǵan azamattardyń senimine kirip, páter alýǵa kómek kórsetemin degen ýádemen 75 myń 810 teńgeni zańsyz jolmen alǵan. Sol úshin oǵan Eńbekshiqazaq aýdandyq soty sheshimimen 3 jylǵa synaq túrindegi jaza taǵaıyndaldy. Keltirilgen zalaldy tolyq qaıtarý týraly talap qoıyldy.
«Jumyspen qamtý-2020» memlekettik baǵdarlamasy boıynsha Panfılov aýdanynda 4 mln. 700 myń teńgeni jymqyrý faktisi boıynsha 1 qylmystyq is óndiriske túsip, tergeý amaldary júrgizilýde», dedi Almaty oblysy boıynsha ekonomıkalyq qylmysqa jáne sybaılas jemqorlyqqa qarsy kúres (qarjy polısııasy) departamenti bastyǵynyń orynbasary Arman Nurǵalıev.
Memlekettik baǵdarlamalardyń oryndalýy barysyndaǵy taǵy bir keleńsizdik – Údemeli ındýstrııalyq-ınnovasııalyq damý baǵdarlamasy boıynsha Qapshaǵaı qalasynda 2011 jyly qarjylandyrýshy «QazAgroQarjy» AQ oryndaýshy «Proektnoe kompanııa KZ» JShS arasynda zaýyt qurylysyn salý týraly kelisimshart jasalyp, 18 840 000 teńge aldyn ala tólengen. Sosyn, jobalaý qujattary joq bolǵandyqtan, aldyn ala tólengen qarajatty qaıtarýǵa esh shara jasalmaı, kelisimshart buzylǵan. Sóıtip, bıýdjet qarajaty shashylyp, memleketke joǵaryda kórsetilgen soma kóleminde shyǵyn keltirilgen. Qapshaǵaı qalalyq sotynyń aǵymdaǵy jyldyń 31 mamyryndaǵy úkimimen Aıdarbek Kúrishbaev pen Aııa Klım 3 jylǵa jazalanǵan.
Nurbol ÁLDIBAEV,
«Egemen Qazaqstan».
Almaty oblysy.
