Ulybrıtanııanyń London qalasynda Sapany damytý jáne ınnovasııa jónindegi halyqaralyq kompanııa ótkizgen baıqaýda elordadaǵy №38 mektep-lıseı International Quality Crown atty «altyn» sanatyndaǵy júldege ıe bolǵan edi. Keshe mektep-lıseıde Londonda tapsyrylǵan osy júldeniń qurmetine baspasóz máslıhaty ótti.
Ulybrıtanııanyń London qalasynda Sapany damytý jáne ınnovasııa jónindegi halyqaralyq kompanııa ótkizgen baıqaýda elordadaǵy №38 mektep-lıseı International Quality Crown atty «altyn» sanatyndaǵy júldege ıe bolǵan edi. Keshe mektep-lıseıde Londonda tapsyrylǵan osy júldeniń qurmetine baspasóz máslıhaty ótti.
Resmı ataýy Business Initiative Direstions (BID) atalatyn halyqaralyq kompanııa 179 memlekettiń óndiris jáne qyzmet kórsetý salalarynda ınnovasııalyq tehnologııalar men ádis-tásilderdi engizý arqyly joǵary sapaǵa qol jetkizgen kompanııalar men mekemelerdi anyqtaýmen aınalysady. Bul joly halyqaralyq kompanııa Astanadaǵy №38 mektep-lıseıdi de sapaly uıymdardyń qatarynda baǵalady. Sonyń aıǵaǵyndaı, 24 qarashada mektep-lıseıdiń dırektory Jamal Qasymbek International Quality Crown júldesin Londonda BID prezıdenti Hose E. Prıeto myrzanyń óz qolynan alypty. Keshegi baspasóz jıynynda mektep dırektory ózi basqaryp otyrǵan ujymdy iskerlik áleminde kóshbasshylyqqa umtylyp jáne jańa úrdisterdi jetildirip otyrýǵa baǵyttalǵan kásibı mamandardyń komandasy dep atady.
Shyn máninde №38 mektep-lıseıi 15 jyldyq tarıhynda úzdik jetistikterge jetip, bıik asýlardy baǵyndyryp kele jatqan ujym. Bilim ordasynan 1999-2013 jyldar aralyǵynda myńǵa jýyq túlek túlep ushsa, sonyń 35-i «Altyn belgi», 46-sy «Erekshe úlgidegi attestat» jáne 400-den astamy memlekettik grant ıegerleri. «Bolashaq» baǵdarlamasy boıynsha álemniń 11 memleketinde 60-qa jýyq túlek bilim alýda, ınnovasııalyq tehnologııalardy meńgerý boıynsha bilim ordasynda joǵary jáne 1 sanatty muǵalimder 69 paıyzdy quraıdy. AKT-men jumys isteıtin muǵalimder 62 paıyz, al Kembrıdj ýnıversıtetiniń baǵdarlamasy boıynsha 2013 jyly 25-ke jýyq muǵalim deńgeılik kýrstardy támamdaǵan. Bıylǵy oqý jylynyń qorytyndysy boıynsha «Úzdik mektep -2013» jáne Astana qalasy boıynsha 2012-2013 jyldyń qorytyndysynda «Kóshbasshy mektep» ataǵyn qanjyǵasyna baılap, qala ákiminiń grantyn ıelenip otyr.
Aıgúl SEIILOVA,
«Egemen Qazaqstan».
