Noqtaly zaman delinetin keńes dáýiriniń temir noqtasyna da, qaıys noqtasyna da basy syımaǵan qazaqtyń has batyry Baýyrjan Momyshuly týraly «Habar» agenttigi tarıhı telefılm túsirip jatqanynan birazdan beri habardar edik. Keshe Astana qalasyndaǵy «Kerýen» saýda-kóńil kóterý keshenindegi kınoteatrda osy fılmniń birinshi serııasynyń tusaýkeseri ótti.
Noqtaly zaman delinetin keńes dáýiriniń temir noqtasyna da, qaıys noqtasyna da basy syımaǵan qazaqtyń has batyry Baýyrjan Momyshuly týraly «Habar» agenttigi tarıhı telefılm túsirip jatqanynan birazdan beri habardar edik. Keshe Astana qalasyndaǵy «Kerýen» saýda-kóńil kóterý keshenindegi kınoteatrda osy fılmniń birinshi serııasynyń tusaýkeseri ótti.
Tusaýkeser rásimine basty rólderdi somdaǵan akterler Erkebulan Daıyrov (Baýyrjan Momyshuly) pen Ásel Saǵatova (B.Momyshulynyń jary – Jamal) qatysty. Al teledıdardan telefılmdi aǵymdaǵy jyldyń 17 jeltoqsanynda jurtshylyqqa usyný josparlanǵan.
Fılmde soǵystyń alǵashqy kúnderinde maıdanǵa barýǵa qulshynǵan kóńil-kúıi beınelengen. «Shynymdy aıtsam, osy joly uly Baýkeńniń shyǵarmalaryn jan-jaqty zerdeleı oqydym. Ondaǵy maqsatym, kimniń beınesin jasap otyrǵanymdy tereń túsinýim qajet edi. Túıindeı kelip qorytqan oıym, qazaqta osyndaı dara azamattyń bolǵanyna maqtandym. Keıingi óskeleń urpaq Baýyrjannyń boıyndaǵy batyrlyqty, batyldyqty ultyn súıgen, tilin qadirlegen qasıetin boılaryna darytsa eken degen nıetpen batyr beınesin kórsetýge bar kúsh-jigerimdi jumsadym. Búgin ulan-ǵaıyr jerimiz bar dep maqtansaq, sol jerdi qorǵaǵan osyndaı batyrlar eken ǵoı», deıdi qaharman rólin somdaǵan E.Daıyrov.
Súleımen MÁMET,
«Egemen Qazaqstan».
Sýretterdi túsirgen
Erlan Omarov.
