Elbasy Úkimettiń keńeıtilgen otyrysynda bıýdjettik baǵdarlamalardyń oryndalmaýynyń jáne olardyń tıimsizdiginiń negizgi sebebin memlekettik satyp alý júıesindegi olqylyqtarmen baılanystyrǵan bolatyn. Tómendegi maqalada bir salanyń jumysyn taldaý arqyly jalpyǵa ortaq túıindi jaıttar áńgimelen edi.
Elbasy Úkimettiń keńeıtilgen otyrysynda bıýdjettik baǵdarlamalardyń oryndalmaýynyń jáne olardyń tıimsizdiginiń negizgi sebebin memlekettik satyp alý júıesindegi olqylyqtarmen baılanystyrǵan bolatyn. Tómendegi maqalada bir salanyń jumysyn taldaý arqyly jalpyǵa ortaq túıindi jaıttar áńgimelen edi.
Oblystyq tekserý komıssııasy respýblıkalyq bıýdjettiń atqarylýyn baqylaý jónindegi Esep komıtetimen birlese otyryp oblystyq densaýlyq saqtaý basqarmasyndaǵy bıylǵy jergilikti bıýdjet qarajatyn jáne respýblıkalyq bıýdjetten bólingen nysanaly transfertterdi paıdalaný tıimdiligine baqylaý júrgizdi. Onyń qorytyndysy boıynsha 14 568,7 mıllıon teńgeniń túrli zań burmalaýshylyqtary anyqtaldy. Bul kórsetkish baqylaýmen qamtylǵan jalpy somanyń 42 paıyzyn quraıdy. Osy kezeńde kepildi tegin medısınalyq qyzmet kórsetetin uıymdar 13 512,6 mıllıon teńgeniń medısınalyq kómektiń sapasy men kólemin baqylaýdyń nátıjelerin eskermesten júzege asyrǵany belgili boldy. Al, jekelegen kelisimder boıynsha týra jáne túpkilikti kórsetkishter kólemine tolyq qol jetkizilmegen, sóıtip 335 mıllıon teńgeniń transfertteri ıgerilmegen. 279,9 mıllıon teńgeniń medısınalyq qural-jabdyqtary qoǵam ıgiligine tıimdi paıdalanylmaǵan. Máselen, «Kardıologııalyq ortalyq» KMK-de 255,5 mıllıon teńgege satyp alynǵan angıografııalyq rentgen apparaty ornatylmaǵan. Densaýlyq saqtaý uıymdary men «Kazmedprıbor» JShS arasynda jyljymaly medısınalyq keshen satyp alýǵa jasalǵan sharttar keshiktirilgen. Jabdyqtaýshylar jetkizgen jyljymaly medısınalyq keshender tehnıkalyq beıinderinde kórsetilgen tehnıkalyq jaǵdaılarǵa sáıkes kelmeýi sebepti keltirilgen zalal 241,6 mıllıon teńgeni quraǵan. Oblys medısınalyq uıymdarynyń medısınalyq jabdyqtarmen jınaqtalý jaǵdaıy da qanaǵattandyrmaıdy. Aýdandardyń kórsetkishi – 63,1, týbdıspanserlerde – 51,4, feldsherlik-akýsherlik pýnktterde – 43,8, dárigerlik ambýlatorııalarda – 38,7, medısınalyq pýnktterde 52 paıyz tóńireginde. Petropavl qalasynda ornalasqan qalalyq jáne oblystyq aýrýhanalar men emhanalar boıynsha 60,4 paıyzdan aspaıdy.
Prezıdenttiń tóraǵalyǵymen ótken Úkimet jıynynda memlekettik satyp alý júıesinde oryn alǵan keleńsizdikter synǵa alynǵany belgili. Mundaı teris jaıttar oblystyń medısına salasynda úırenshikti qalypqa aınalǵany baıqalady. Memlekettik satyp alý tásilin negizsiz qoldaný, Qazaqstan Úkimeti aıqyndaǵan taýarlyq bırjalar tizbesine enbeıtin taýarlyq bırjalardan memlekettik satyp alýdy júzege asyrý saldarynan 170,8 mıllıon teńge shyǵyn keltirilgen. Tutastaı alǵanda, jaǵymdy ózgeristerge qaramastan, densaýlyq saqtaý salasynda medısınalyq uıymdardyń materıaldyq-tehnıkalyq qorlary, aýyldarda medısınalyq uıymdardy oblystyq, aýdandyq ortalyqtarda shoǵyrlandyrý esebinen medısınalyq qyzmetterge birdeı qoljetimdilik qalyptaspaǵan. Munyń ózi emdelýshilerdiń sapaly jáne joǵary tehnologııaly medısınalyq qyzmetterge suranysyn eleýli túrde qıyndata túseri sózsiz. Saýaldamaǵa jaýap bergen naýqastardyń úshten biri usynylatyn medısınalyq qyzmetterdiń sapasyna qanaǵattanbaıtyndyǵyn ataǵan. Densaýlyq saqtaý salasyn bilikti kadrlarmen qamtamasyz etý máselesi de túpkilikti sheshilmeı keledi. Ásirese, eldi mekender tájirıbeli mamandarǵa tapshy. Shtattyq birlikterdi tolyqtyrý dárigerlerdiń basqa laýazymdardy qosa atqarýy esebinen ótelýi medısınalyq qyzmettiń sapasy men tıimdiligine teris áserin tıgizetini aıtpasa da túsinikti.
Elbasy Úkimet otyrysynda sóılegen sózinde densaýlyq salasyna asa aýqymdy qarjy bólinetinin, soǵan qaramastan qyzmet kórsetý sapasy kóńil kónshitpeıtinin atap kórsetken edi. Tekserý barysy óńirdegi densaýlyq salasyndaǵy túıindi problemalar qarjylyq resýrstardyń jetkiliksizdiginen emes, kerisinshe olardy paıdalaný tıimdiliginiń tómendigimen paıda bolyp otyrǵanyn kórsetip berdi.
Dýlat EDIRESOV,
oblystyq tekserý komıssııasynyń
tóraǵasy.
Soltústik Qazaqstan oblysy.
