Meıirimdilik – janyń sýsaǵanda kóńilińe nur quıar sáýle. Jaı ǵana jaryq emes, úmit shamshyraǵy. Qulaǵanǵa demeý bolyp, muqtaj janǵa jaqsylyq jasaǵannan artyq ne bar bul ómirde?! Súıinishtisi sol, sol qundylyqty shyn peıilimen syılap júrgen janashyr jandar ortamyzda barshylyq.
Meıirimdilik – janyń sýsaǵanda kóńilińe nur quıar sáýle. Jaı ǵana jaryq emes, úmit shamshyraǵy. Qulaǵanǵa demeý bolyp, muqtaj janǵa jaqsylyq jasaǵannan artyq ne bar bul ómirde?! Súıinishtisi sol, sol qundylyqty shyn peıilimen syılap júrgen janashyr jandar ortamyzda barshylyq.
Sonyń bir aıǵaǵy osydan bes jyl buryn Sara Alpysqyzynyń tikeleı uıytqy bolýymen ómirge kelgen «Rızashylyq» kúni. Bul dástúr bıyl da óz jalǵasyn tapty. Osy rızashylyq merekesine oraı Astana qalalyq balalar úıinde merekelik shara ótti. «ASSM» men «BI grýpp» kompanııalary demeýshilik etip, balalarǵa ashana bólmesi men oıyn alańyn syıǵa tartty. Kompanııa ókilderi bas dáriger Gúlnar Erejeqyzyna saltanatty túrde bólme kiltterin usyndy.
Sharaǵa Balalardy qorǵaý departamentiniń ókilderi, Latvııa, Estonııa, Chehııa, Tájikstan, Ýkraına elderinen kelgen qonaqtar qatysty. Sharanyń negizgi uıymdastyrýshylary – Astana qalalyq balalar úıi jáne Eýrazııa ulttyq ýnıversıtetiniń «Senim» uıymynyń stýdentteri. Búgingi jastarymyzdyń mundaı qoǵamdyq ári adamgershilik baǵyttaǵy sharalarǵa belsene aralasýy kóńil qýantty. «Senim» uıymynyń músheleri bir aı boıy atalǵan balalar úıine kelip, kishkentaı ǵana búldirshindermen jaqsy qarym-qatynas ornatqan eken. Týǵannan tórt jasqa deıingi balalar tárbıelenetin balalar úıi meıirim shýaǵyna toly. Úıdiń ár buryshynda jaqsylyq nury tógilip turady. Áıtse de, olarǵa jan jylýy kerek-aq! Osyny kózdegen uıym músheleri búldirshinderdiń kóńilin kóterýge bar kúshterin saldy.
Bul kúni balalarǵa kloýndar men sırk ónerpazdary óner kórsetip, árqaısysynyń kóńilin kóterdi. Bir aıtarymyz, jetimin jylatpaǵan halyqpyz ǵoı, mundaı sharalar tek ataýly kúnderde ǵana emes, júıeli uıymdastyrylsa, nur ústine nur bolar edi.
Kamshat JUBATHANOVA,
Eýrazııa ulttyq ýnıversıtetiniń 1-kýrs stýdenti.
