Aımaqtar • 14 Jeltoqsan, 2020

«Mańǵyshlaq-Aqtóbe» poıyzynyń júk vagonynda órt shyqty

230 ret

kórsetildi

1 mın

oqý úshin

14 jeltoqsanda saǵat 04.30-da Mańǵystaý oblysynyń Tótenshe jaǵdaılar departamentine Mańǵystaý oblysy Beıneý aýdanynyń aýmaǵynda ornalasqan № 464 aıyryǵy aýdanynda № 109 «Mańǵyshlaq-Aqtóbe» jolaýshylar poıyzynyń júk tasymaldaý vagony janǵany týraly aqparat kelip tústi. Bul týraly TJM resmı ókili Talǵat Ýálı habarlady.

Aqmaral AǴZAMQYZY

«Mańǵyshlaq-Aqtóbe» poıyzynyń júk vagonynda órt shyqty

Aqparat túskennen keıin TJ ornyna TJ departamenti, Apattar medısınasy ortalyǵy, «QazmunaıTeńiz» MО́QQ, «QTJ» UQ AQ 30 adamnan turatyn kúshter men quraldar, 7 tehnıka jáne 1 órt poıyzy jiberildi.

О́rttiń basqa vagondarǵa taralýyna jol bermeý maqsatynda bagaj vagony jolaýshylar vagonynan ajyratyldy.

О́rt saldarynan 5 adam, onyń ishinde 1 bala túrli dárejedegi kúıik aldy. Barlyq zardap shekkender júk vagonynda bolǵan. Zardap shekkender Beıneý aýylyndaǵy ortalyq aýrýhanaǵa jetkizildi.

Aldyn ala boljam boıynsha órttiń shyǵýna júk vagonyndaǵy gaz ballonynyń jarylýy sebep bolǵan.

Saǵat 07.19-da órt sóndirildi, júk vagony tolyǵymen janyp ketti.

Qazirgi ýaqytta Ishki ister organdarynyń kúshi órtengen vagon qorshaldy, sondaı-aq órttiń sebepteri men mán-jaılaryn anyqtaý úshin Mańǵystaý oblysy TJ departamentiniń zertteý órt sóndirý zerthanasy jiberildi.

Saǵat 09.18-te jolaýshylar vagondary Aqtóbe stansııasyna jiberildi.