Jıynnyń kún tártibinde – Jobalyq menedjmenttiń ádisteri men quraldaryn memlekettik basqarý júıesine biriktirý, «Qazaqstan Project Management Awards 2020» baıqaýynyń qorytyndysy, Shymkent qalasynyń jobalyq keńsesi týraly úsh másele qaraldy. Aıta ótý kerek, bıyl áleýmettik-ekonomıkalyq kórsetkishterge qol jetkizý maqsatynda basqarý júıesin ońtaılandyrýǵa arnalǵan jobalyq keńse qurylǵan bolatyn.
Qala basshysy májiliste Qazaqstanda jobalyq menedjment qazirdiń ózinde barlyq ortalyq jáne jergilikti memlekettik organdarynda belsendi túrde engizilip jatqanyn atap ótti. Agile quraldaryn tıimdi paıdalan,ý ıaǵnı nátıjege qol jetkizý jáne bıýrokratııany mınımızasııalaý maqsatynda tıisti normatıvti-quqyqtyq bazany tolyqtyrý boıynsha kóptegen jumystar júrgizilgenin de tilge tıek etti.Basqarmalardyń arasynda ózara is-áreketteriniń sáıkes kelmeý saldarynan nátıjege qol jetkizýdegi qıyndyqtar kóptep týyndaıdy. Al, Scrum – keńester «qazir jáne osynda» formatynda bul kemshilikterdi joıýǵa úlken septigin tıgizýde. Máselen, Energetıka jáne kommýnaldy sharýashylyq basqarmasynyń jáne jolaýshylar kóligi, avtomobıl joldary basqarmasynyń ózara birlesken tıimdi is-áreketteriniń nátıjesinde (joldar men káriz júıelerin jóndeýge ýaqytty sınhrondaý) jol sapasyn qanaǵattandyrý deńgeıin arttyrý ındıkatoryna qol jetkizedi,- dedi Murat Áıtenov.
Shahar basshysy jyl sońyna deıin 2021 jylǵa arnalǵan Shymkent qalasynyń damý baǵdarlamasynyń, tıisti salalyq baǵdarlamalardyń kórsetkishterin Bazalyq baǵyt basshylarymen kelisip, biryńǵaı kross-platformaǵa engizý jumystary júrgizilip, jobalyq keńseniń usynystaryn oryndaýdy tapsyrdy.
Sonymen qatar, aǵymdaǵy jyldyń 28 qarashasynda Qazaqstan Respýblıkasy Prezıdentiniń janyndaǵy Memlekettik basqarý akademııasynda «Qazaqstan Project Management Awards 2020» memlekettik basqarýdaǵy jobalyq basqarýdy jetildirý boıynsha baıqaý ótken.
Baıqaýdyń qorytyndysy boıynsha «ÚZDIK JAO JOBASY» nomınasııasy boıynsha altyn medal Shymkent qalasynyń ákimdigine («Sıtadeldiń VR-vıdeosy») buıyrdy. Onymen birge, Shymkent qalasynyń ákimdigi «JAO-nyń ÚZDIK JOBALYQ OFISI» jáne «UIYMNYŃ JOBALAÝ PERSONALYN BASQARÝDYŃ ÚZDIK JÚIESI» arnaıy nomınasııasyna sáıkes birinshi oryndy ıelendi.
Atalmysh konkýrstyń júldesin qala ákimine QR Prezıdentiniń janyndaǵy Memlekettik basqarý akademııasynyń Memlekettik basqarýdaǵy jobalyq menedjmentti damytý ortalyǵynyń basshysy Arman Evnıev tabys etti.
Aıta keteıik, konkýrstyń basty maqsaty - memlekettik qyzmetshilerdi kóshbasshylyq pen jańa quzyrettilikterdi damytýǵa yntalandyryp, jobalardy basqarý ádisteri men quraldaryn belsendi túrde engizetin jáne óz qyzmetine qoldanatyn memlekettik organdar men uıymdarǵa qoldaý kórsetý bolyp tabylady.
Jıyndy qorytyndylaǵan Murat Áıtenov Jobalyq keńseniń jumysyn barynsha jandandyryp, qaǵazbastylyqtan qutylyp, ýaqyt pen jumysty júıelendirý qajettigin jetkizdi.
