Qalalyq Tótenshe jaǵdaılar departameniniń málimetinshe, 14 jeltoqsan kúni 12 :42 -de Jetisý aýdanyndaǵy Angarskaıa kóshesinde órt shyqqany týraly habar kelip túsken.
«О́rt sóndirýshiler saǵat 12:49 kelgende 3 qabatty ǵımarattyń 1 qabatynda ornalasqan qoıma janyp jatqanyn anyqtady. Ekinshi jáne úshinshi qabatta jataqhana ornalasqan. Turǵyndardyń kópshiligi syrtqa ózderi shyqty, biraq jataqhana dálizindegi qoıý tútinnen 48 jastaǵy turǵyn aıaǵyndaǵy jaraqatqa baılanysty ózdiginen syrtqa shyǵa almaǵan. О́rt sóndirýshiler zardap shegýshini maska kıgizip syrtqa alyp shyǵyp, jedel járdem brıgadasyna tabystady», dep habarlady departament ókilderi.
О́rt 80 sharshy metr aýdandy sharpyǵan. О́rtti sóndirýge jeke quramnan 60-tan astam qyzmetker, gaz-tútinnen qorǵaý qyzmetiniń 6 toby jáne 15 tehnıka jumyldyryldy.
