Osy jyldyń 14-20 jeltoqsan aralyǵynda Shymkent qalasy Polısııa departamenti Jedel basqarý ortalyǵynyń “102” arnasyna 6 705 ár túrli sıpattaǵy qońyraýlar shalynǵan. Bir apta ishinde beınebaqylaý kameralary kómegimen 22 jaıt ashyldy.
Olar: tonaý – bireý, buzaqylyq – ekeý, avtokólikti zańsyz ıemdený – bireý, urlyq – 11 jáne basqada qylmystar – jeteý. Beınebaqylaý kameralary zań buzýshylyqtyń aldyn-alýǵa, qylmystyń izin sýytpaı ashylýyna úlken kómegin tıgizýde.
Sondaı-aq nóldik tózimdilik qaǵıdasy jáne ákimshilik quqyq buzýshylyq boıynsha 894 jaıt anyqtaldy. Onyń ishinde: QR ÁQBtK-niń 434-baby (Qoǵamdyq oryndarda qoqys tastaý) boıynsha – 14 jaıt, QR ÁQBtK-niń 440-baby (Qoǵamdyq oryndarda mas halde júrý) boıynsha – 39, QR ÁQBtK-niń 449 baby (Qoǵamdyq oryndarda qaıyrshylyq jasaý) boıynsha – 22, jol erejesin buzǵandar – 674 , odan basqa da 145 jaıt anyqtaldy.
