Qostanaıda jańa mektep paıdalanýǵa berildi

Jańadan ashylǵan №27-mektepte negi­zinen «Iýbıleınyı» jáne «Altyn Ar­man» shaǵyn aýdandarynda turatyn bala­lar bilim alady. 18 myńǵa jýyq turǵyny bar bul eki shaǵyn aýdanda bú­ginde mektep jasyndaǵy 1700 bala bar eken. Bıylǵy oqý jylynyń úshinshi toq­sannan bastap 830 bala osy mektepte bilim alatyn bolady.

Jańa mekende jańa mektep­tiń ashy­lýy, eń aldymen, osy tóńi­rektegi tur­ǵyndardy qýanyshqa bóledi. Buǵan deıin balalaryn qala ortalyǵyndaǵy tur­ǵylyqty mekenderinen alys mektepterde oqytyp kelgen ata-analar saltanatty jıynda sóz alyp, sharaǵa jınalǵan kópshilikke shaǵyn aýdan turǵyndarynyń alǵysyn jetkizdi.

– Biz byltyr memlekettik baǵ­dar­lama arqyly baspanaly bolyp, «Iýbıleınyı» shaǵyn aýdanyndaǵy ja­ńa páterimizge kóship keldik. Buǵan deıin balalar ortalyqtaǵy №115 or­ta mek­tepte oqydy. Ras, jol alys, ba­lalar úıge oralǵansha alańdap oty­rasyń. Mine, búgin úıimizdiń irge­sinen kópten kútken bilim ordasy ashy­lyp, qýanyshymyzǵa qýanysh qo­sylyp, mereıimiz ósip otyr. Mektep pen úıdiń arasy bes-aq mınýttyq jer. Eki balamdy da osy mektepke berdim. О́ıtkeni bizge óte yńǵaıly. Balalarymyzdyń mynadaı keń ári sáý­letti mektepte oqyǵany ózimizge de­­ jaqsy. Siz­derge osy shaǵyn aýdan­da tura­tyn ata-analardyń atynan zor al­ǵysymdy bildiremin, – dedi shaǵyn aýdandaǵy №39 úıdiń turǵyny Mán­shúk Alǵashbaeva.

Táýelsizdik kúni qarsańynda ashyl­ǵan bilim ordasynda jalpy sany 49 synyp bar. Mektep dırek­torynyń aıtýynsha, munda 2021 jyldyń basynan bas­tap 1-11 sy­nyptarda  770 oqýshy bilim alady.

– Mektepaldy daıarlyq syny­by­na qabyldanǵan 88 balanyń 17-si mem­lekettik tilde oqýǵa óti­nish ber­di. Qazir 76 muǵalimdi ju­mysqa qa­byl­dadyq. Olar­dyń deni joǵary jáne birinshi sa­nattaǵy ustazdar. Muǵa­limderdi ju­mysqa qabyldaý barysyn­da biz birinshi kezekte osy shaǵyn aýdanda turatyn mamandarǵa kóp kóńil ból­dik. Synyptardyń bári zamanaýı teh­nı­kalyq qural-jabdyqtarmen qam­tamasyz etilgen. Sapaly bilim be­rý úshin ne qajet, sonyń bári bar, – dedi mek­tep dırektorynyń min­detin atqa­rýshy Baqytjan Isetova.

Jańa bilim ordasynda múm­kin­digi shek­teýli balalarǵa ınklıý­zıvti bilim berý múmkin­dikteri de qaras­tyrylǵan. Mektep aýla­syn­da oıyn jáne de­ma­­lys alań­dary bar. Sonymen qa­tar balalar jemis-jıdek, gúl jáne túrli daqyldar egip, seleksııa ju­mysymen aınalysatyn arnaıy oqý-tájirıbelik aımaq ta bar. Mer­digerlerdiń aıtýynsha, sáýletti mektep ǵımaratyn sa­lýǵa jumsalǵan qu­ry­lys materıal­darynyń sapasy óte joǵary ári bul materıaldardyń 95%-y otandyq kásiporyndardyń ónimi. Mektep qurylysy barysynda 189 adam eńbekke tartylǵan. Munyń syrtynda, mektep paıdalanýǵa be­rilgen soń munda 100-ge jýyq jańa jumys orny paıda bolyp, 76 muǵa­lim, 28 tehnıkalyq qyzmetshi tu­raqty ju­myspen qamtylyp otyr.

Oblystyq bilim basqarma­synyń bas­­­shy­­sy Záýre Baımeno­vanyń sózin­she, al­daǵy jyly jańa shaǵyn aýdanda 280 orynǵa arnalǵan balabaqsha qurylysy bas­talady. Sonymen qatar «Al­tyn ar­manǵa» irgeles jatqan «Bereke» shaǵyn aýda­nynda taǵy bir jańa mektep salynady.

– Pandemııaǵa baılanysty qıyn­shy­lyqtarǵa qaramastan, oblystyń bir­neshe aýdanynda jańa mektep ǵı­marattary saly­nyp jatyr. О́zde­rińiz bilesiz­der, qyrkúıek aıynda Áý­lıekól aýdanynyń Amanqaraǵaı aýy­lynda memlekettik tilde bilim be­retin 320 balaǵa arnalǵan zamanaýı mek­tep ashyldy. Qazir Qarasý aýylynda mem­lekettik tilde bilim beretin 320 oryn­ǵa arnalǵan qazaq mektebiniń qu­rylysy júrip jatyr. Qarasý mektebi 2021 jyly paıdalanýǵa beriledi, – dedi Záýre Baımenova.

Oblys ortalyǵynda mektep ǵıma­rat­taryn jóndeý jumystary da erekshe qarqyndy. Máselen, bıyl jalpy somasy 3,1 mlrd teńgege 7 bilim meke­me­sine kúrdeli jóndeý júrgizildi. Mu­nyń syrtynda, 313 mln teńgege 18 bilim nysany aǵymdaǵy jóndeýden ótti. Bul 2 myńǵa jýyq bilim salasy qyzmetkeriniń eńbek jaǵ­daıynyń jaq­saryp, 22 myń ba­lanyń sapaly ǵımaratta bilim alýyna múmkindik týǵyzyp otyr. Basqarma basshysynyń aıtýynsha, bıyl oblys kóleminde 11,2 mlrd  teńge qarjyǵa 133 bilim mekemesi kúr­deli jáne aǵymdaǵy jóndeýden ótken.